Спорт
Десетте јужноамерикански нации ќе играат во Лигата на нациите на УЕФА?
Лигата на нациите на УЕФА од 2024 година ќе ги добие и сите 10 јужноамерикански репрезентации, а сите мечеви ќе продолжат да се играат во Европа, најави потпретседателот на УЕФА, Збигњев Боњек.
Во потег кој е јасно спротивставување на планираната постапка на ФИФА за Светско првенство на секои две години, УЕФА и јужноамериканската конфедерација ЦОНМЕБОЛ потпишаа меморандум за соработка во средата потврдувајќи го мечот „Финалисима“ помеѓу шампионите на Европското првенство (Италија) и Копа Америка (Аргентина) во Лондон на 1 јуни 2022.
Боњек, пак, во интервју со полскиот „Мечики“ тврди дека ова е само првиот чекор.
„Имавме состанок со ЦОНМЕБОЛ и од 2024 година тие репрезентации ќе се приклучат на Лигата на нациите. Каков ќе биде форматот? Уште работиме на тоа“, вели Боњек.
Според него, шесте најдоброрангирани јужноамерикански репрезентации (Аргентина, Бразил, Колумбија, Чиле, Перу и Уругвај) ќе бидат додадени во Лигата А на Лигата на нациите, со што ќе имаат потенцијални мечеви со противници како Шпанија, Германија, Англија и Франција, а преостанатите четири (Боливија, Еквадор, Парагвај и Венецуела) би се приклучиле на Лига Б.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Резервите му донесоа триумф на Арсенал во Билбао, дебитантот Унион го шокира ПСВ

Со гостински победи на Арсенал и дебитантот Унион Сен Жилоа, започна сезоната 2025/2026 во Лигата на шампионите.
Арсенал на „Сан Мамес“ во Билбао, не прикажа некоја спектакуларна игра, но успеа да го победи Атлетик.
Два гола постигнаа играчите од клупата за резерви. Мартинели по нецели 15 секунди откако влезе во игра во 72.минута погоди за 0:1. Конечниот резултат го постави Тросар во 87.минута. Резервите на Артета си поделија по една асистенција.
На „Филипс“ стадионот во Ајндховен, ПСВ доживеа шокантен пораз од Унион Сен Жилоа. Дека Белгијците се дојдени по победа во Ајндховен најави Дејвид во деветтата минута од пенал. Половина час подоцна слаломот на Ел Хаџ им донесе на гостите предност од два гола.
Точка на победата на гостите стави братот на фудбалерот на Ливерпул, Алексис Мекалистер, Кевин.
Честа на ПСВ ја спаси, Ван Бомел во 90.минута.
Спорт
Шејн Ларкин ја заврши репрезентативната кариера

Шејн Ларкин, кошаркарот на Ефес, одлучи повеќе да не го носи дресот на Турција.
Искусниот плејмејкер го водеше тимот на Ергин Атаман до сребрен медал на Евробаскетот, по што реши да стави крај на репрезентативната кариера.
Тој ја информираше јавноста за својата одлука на социјалните мрежи.
„Пред седум години се согласив да играм за Турција без никакви очекувања. А седум години подоцна, чувствувам дека ова е мојот втор дом. Начинот на кој ме прифативте и ме поддржавте не може да се опише со зборови. Иако не ја постигнавме главната цел, а тоа е златен медал, поддршката што ја добивме од целата земја значеше повеќе од само медал“, напиша Ларкин и додаде:
„Беше чест и привилегија да го носам овој дрес и да играм за Турција. Засекогаш ќе бидам еден од вас! Ве сакам од се срце“, заврши тој со зборови на турски.
Ларкин имаше просек од 11,6 поени и 5,1 асистенции на Европското првенство.
Спорт
Атлетико без најдобриот играч отпатува во Ливерпул

Ливерпул, утре, ќе го пречека Атлетико Мадрид во еден од најпривлечните натпревари во првото коло, во Лигата на шампионите.
„Јорганџиите“ ќе бидат хендикепирани на „Енфилд“, тренерот Диего Чоло Сименоне нема да може да смета на првиот напаѓач, Хулијан Алварез.
За време на викендот против Виљареал, Аргентинецот почувствува непријатност во коленото, беше заменет, а по лекарските прегледи беше одлучено да се одмори и да го прескокне дуелот со шампионите на Англија.
Во негово отсуство, нападот на Атлетико ќе го предводат Антоан Гризман и Александар Серлот.
Атлетико објави дека Тијаго Алмада, Алекс Баена и Хозе Марија Хименез ќе го пропуштат натпреварот со Ливерпул.
Натпреварот во Ливерпул ќе започне во 21:00 часот.