Спорт
Десетте најдобри според Тијаго Силва, на листата го нема Левандовски

Ветеранот Тијаго Силва (36) направил Топ листата на фудбалери кои најмногу го импресионирале. Тијаго Силва е поранешен играч на Милан и ПСЖ, а на залезот на кариерата се пресели во Челси.
Во изборот на Тијаго Силва, нема место за Роберт Левандовски. Искусниот Бразиелц се определил за играчи со кои ја делел соблекувалната, во клубот или репрезентацијата, исклучок се Дидие Дрогба, Адријано и Ромарио и секако Роналдо и Меси.
Од десеттото до четвртото место се Анхел Ди Марија, Килијан Мбапе, Роберто Фирмино, Ромарио, Адријано и Дидие Дрогба.
„На чевртото место е Златан Ибрахимовиќ, како човек ме имперсионираше, а инспирира и многу млади играчи. Имал црн појас пред него што запонал да игра фудбал“, рекол Силва.
Најдобрите тројца се Нејмар, Кристијано Роналдо и Лео Меси.
„Нејмар е трет поради неговата класа, интелигенција и магија. Роналдо е втор, бидејќи ми се допаѓа неговиот професионализам, посветеност и страста што ја има кон фудбалот. И на крајот Меси, неверојатно квалитетен, природен талент, голем професионалец. За мене тој е најдобриот“, завршил искусниот Бразилец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Луис Дијаз го стави потписот на договорот со Баерн

Колумбискиот фудбалер Луис Дијаз е нов играч на Баерн Минхен, објави германскиот клуб.
Британските медиуми објавија дека трансферот е вреден 65,5 милиони фунти. Дијас (28) потпиша четиригодишен договор со Баерн, со што го заврши својот три и полгодишен престој во Ливерпул.
„Многу сум среќен. Многу ми значи што станав дел од Баерн, тоа е еден од најголемите клубови во светот. Мојата цел е да ја освојам секоја титула, а како тим ќе работиме на тоа секој ден“, рече Дијас по потпишувањето на договорот.
Дијаз (28) е член на Ливерпул од 2022 година, а пред тоа играше за Порто, Атлетико Жуниор и Баранкиља.
Колумбискиот фудбалер одигра 50 натпревари за клубот од „Енфилд“ во сите натпреварувања минатата сезона и постигна 17 гола.
Тој одигра 64 натпревари за колумбиската репрезентација и постигна 19 гола.
Спорт
Откриено е кога и каде ќе се одржи ждрепката за СП 2026

На 5 декември, Лас Вегас ќе биде домаќин на ждрепката за Светското првенство во 2026 година, кое ќе се одржи во САД, Канада и Мексико.
Иако ФИФА сè уште не го потврди датумот или локацијата на ждрепката, ESPN, повикувајќи се на добро информирани извори, тврди дека Лас Вегас е избран пред градовите кандидати од Канада и Мексико.
48-те земји учеснички ќе бидат поделени во 12 групи од по четири и тоа ќе биде прв пат светското првенство за фудбалери да вклучува дури 48 национални селекции, наместо вообичаените 32, и ќе се одржи во три земји домаќини, во САД, Канада и Мексико.
Домаќините на турнирот, Мексико (Група А), Канада (Група Б) и САД (Група Д), веќе се избрани за своите групи. Натпреварите ќе се играат во единаесет градови во САД, три во Мексико (Гвадалахара, Мексико Сити и Монтереј) и два во Канада (Торонто и Ванкувер).
Локациите за натпревари во САД се поделени во три региони. Њујорк/Њу Џерси, Филаделфија, Бостон, Мајами и Атланта се дел од Источниот регион, Канзас Сити, Далас и Хјустон се дел од Централниот регион, додека Лос Анџелес, Сиетл и областа на заливот Сан Франциско сочинуваат три од четирите градови во Западниот регион.
Стадионот „МетЛајф“ во Ист Радерфорд, Њу Џерси, ќе биде домаќин на финалниот натпревар на 19 јули 2026 година.
Лас Вегас претходно беше домаќин на ждрепката за Светското првенство во 1994 година, последниот пат кога турнирот се одржа во Соединетите Американски Држави.
Спорт
Лино рекордер на Фламенго

Фудбалскиот клуб Фламенго го потврди четвртото засилување за новата сезона. Откако во клуботкако слободни играчи пристигнаа Жоржињо (Арсенал) и Саул Нигез (Атлетико Мадрид), а обесштетување беше платено за Емерсон Ројал (Милан), клубот од Рио де Жанеиро го претстави Самуел Лино. 25-годишникот потпиша договор до 2029 година.
Поранешниот фудбалер на Атлетико Мадрид за сума од 25 милиони евра се врати од Бразил. Овој трансфер само ја потврди финасиската стабилност на Фламенго и фактот дека дека финансиски е најмоќниот клуб во Јужна Америка.
Со овој трансфер, Фламенго го сруши клупскиот рекорд.
Лино пред шест години од Бразил се пресели во Португалија, во Жил Висенте. Атлетико пред три сезони го купи за 6,5 милиони евра. Првата сезона ја мина на позајмица во Валенсија, во наредните две за Атлетико одигра 93 натпревари, постигна 12 голови и забележа 16 асистенции.
Foto/ EPA