Златан Ибрахимовиќ влезе во напад на американската компанија за производство на видео-игри ЕА Спортс, тврдејќи дека тие го користат без дозвола неговиот лик во нивната игра ФИФА 21.

„Кој им даде дозволна ФИФА ЕА спортс да го користат моето име и моето лице? ФИФПРО? Не сум свесен дека сум член на ФИФПРО и ако сум таму тогаш некој ме ставил без мое знаење преку некои чудни работи. Сигурно не сум дозволил на ФИФА или ФИФПРО да прават пари користејќи ме мене. Некој профитира на моето име овие години. Време е за истрага“, напиша Златан на Твитер.

Поради сличен конфликт на користењето на ликот, Дејвид Бекам повеќе од 20 години беше отсутен од видео-играта, пред да се врати оваа година по богатиот договор кој го има добиено.

Досега и други фудбалери се лути на ЕА Спортс за нивното вклучување во ФИФА 21, но поради други причини – Ромелу Лукаку се жалеше на ниската вредност за брзина која ја има во играта, додека Сами Кедира јавно побара компанијата да ја смени неговата фризура.

Who gave FIFA EA Sport permission to use my name and face? @FIFPro? I’m not aware to be a member of Fifpro and if I am I was put there without any real knowledge through some weird manouver.
And for sure I never allowed @FIFAcom or Fifpro to make money using me

— Zlatan Ibrahimović (@Ibra_official) November 23, 2020

Бекам заработува повеќе од ФИФА 21 отколку кога беше фудбалер!

Ограничен број на навивачи ќе добијат дозвола да се вратат на фудбалските стадиони следниот месец, потврди британскиот премиер Борис Џонсон.

„Локдаунот“, затварањето во Англија завршува следната недела, по што ќе се врати стариот систем на рестрикции во три фази. Таму каде што ќе има намалена бројка на новозаразени од КОВИД-19, односно во првото и второто ниво ќе бидат дозволени по 4.000, односно 2.000 гледачи на стадионите, додека таму каде што заразата е висока уште нема да биде дозволено влегување на навивачи.

Покрај ова, во неделата, Џонсон потврди план за „спас“ на спортот во Велика Британија тежок 300 милиони фунти.

Во Англија се обидуваа постепено да ги вратат навивачите на трибините во мечевите пред стартот на сезоната, но како што се зголемија бројките на заразените, овој план пропадна.

Скајлер Бадило, поранешна вработена во американскиот МЛС Клуб, Њујорк сити ФЦ, тврди дека славниот шпански голгетер Давид Вилја постојано сексуално ја вознемирувал додека бил во клубот и дека управата на клубот не направила ништо да ја заштитат.

Вилја, поранешниот фудбалер на Барса и Валенсија, беше супер-успешен во МЛС лигата, постигнувајќи 80 гола во 126 меча во четири сезони со клубот од Њујорк, кој е во сопственост на газдите на Манчестер сити. Сега, 38-годишниот Шпанец е под „лупа“ по обвинувањата на Бадило.

„Тоа што го доживеав во Њујорк сити беше толку лошо што ме плаши да работам во професионалниот спорт. Ја менувам кариерата поради ср.њата кои ми ги направија и ми ги уништија соништата. Наместо тоа го добив Давид Вилја кој ме допираше секој е.ен ден и шефовите кои сметаа дека тоа е нешто за смеење“, тврди Бадило.

Вилја ги отфрла обвинувањата, велејќи дека се измислени, но побара истрага во клубот.