ФИА го поддржа протестот на Рено околу сопирачките на „розевиот Мерцедес“ на Рејсинг поинт, и одлучи да го казни тимот со 400.000 евра и со одземање на 15 поени во генерален пласман на конструктори.

Во долга објава ФИА потврди дека стјуардите заклучиле дека дизајнот на сопирачките на Рејсинг поинт ги прекршува правилата на ФИА, бидејќи главен дизајнер на сопирачките биле Мерцедес. Поради ова, тимот ќе загуби по 7.5 поени кај конструктори за двата болиди на Штаерското ГП во Австрија и ќе добие предупредување за користењето на сопирачките на Унгарското ГП и Британското ГП.

ФИА ги отфрла аргументите на Рејсинг поинт дека сами ги дизајнирале сопирачките, откривајќи дека тие добиле сет од сопирачките на Мерцедес од 2019 уште на 9 јанауари, и иако сами ги развивале, дизајнот не може да се смета како нивни. И покрај оваа казна, ФИА не очекува Рејсинг поинт да ги редизајнира сопирачките во овој дел од сезоната, односно ќе им биде дозволено да ги користат до крајот на сезоната.

Ова е епилог на долгата сага околу таканаречениот „розев Мерцедес“, откако Рејсинг поинт влезе во соработка со Мерцедес и нивниот болид за оваа година според многумина е директна копија на минатогодишниот шампионски болид на Мерцедес.

Шефот на Рејсинг поинт, Отмар Шафнауер, вели дека тимот е невин бидејќи добил дозвола од ФИА да ги користи сопирачките пред стартот на сезоната и додаде дека ќе бара дополнително објаснување.

„Навистина е разочараувачки бидејќи ФИА сама одлучи дека ги почитуваме правилата на стартот на сезоната и не направивме ништо погрешно. Ги поканивме ФИА во март да го разгледаат нашиот болид и тие ги имаа сите планови. Тие потоа ни дадоа зелено светло. Мислам дека нивната одлука е двосмислена“, вели Шафнауер.

Очекуваните кандидати Кевин Де Брујне, Садио Мане, Џордан Хендерсон се фаворити за освојувањето на наградата за најдобар фудбалер во англиската Премиер лига, но никој не очекуваше во ова друштво да биде и голманот на Барнли, Ник Поуп.

Ливерпул доминираат на скратената лиса од седум фудбалери со голгетерот Мане, капитенот Хендерсон и младиот Трент Александер-Арнолд по првата титула по 30 години, додека Кевин де Брујне е единствен од Манчестер сити.

Во изборот е и освојувачот на златната топка во Премиер лигата, Џејми Варди од Лестер, но мали изненадувања се имињата на голманот Поуп и на напаѓачот на Саутемптон, Дени Ингс.

An incredible season had by all 🙌

But only one can be the @EASPORTSFIFA Player of the Season!

Get voting: https://t.co/hqowajnv9y#PLAwards pic.twitter.com/7Nqvpkycst

— Premier League (@premierleague) August 7, 2020

Иако повторно се појавија шпекулациите дека Кристијано Роналдо сака трансфер во Пари Сен-Жермен, но богатиот француски клуб повеќе би сакал да ги обврзе Килијан Мбапе и Нејмар со нови договори, тврди „ЕСПН“.

Договорите на Мбапе и Нејмар со „светците“ завршуваат во 2022 година и клубот смета дека тие треба да се приоритет иако наводно со години се обидувале да го убедат Роналдо да пристигне во француската престолнина.

Португалската ѕвезда имаше шанса да се приклучи на ПСЖ повеќе пати по преземањето на клубот од страна на Катар спортс инвестментс (QSI) во 2011 година, и најблиску беше во 2014 година откако Реал Мадрид ја освои „Ла десима“, десеттата европска титула во 2014 година. Според француските медиуми на маса честопати биле многу богати понуди, а неговиот долгогодишен агент Жорге Мендеш преговарал со клубот, но тој постојано ги одбивал.

Сега, оваа недела се јави веста дека Роналдо го сменил мислењето и дека е конечно подготвен да замине во Париз, но сега таму сметаат дека 35-годишниот Роналдо, кој има две години од договорот со Јуве, треба да се фокусира на ЛШ со Јувентус.