Американскиот кошаркар Шон Килпатрик е нов играч на Будуќност од Подгорица. Клубот на својот профил на „Твитер“ објави дека е постигнат договор без да соопшти детали од трансферот.

Шон Килпатрик изминатите денови се поврзуваше со белградски Партизан, меѓутоа 193 сантиметри високиот бек решил да ја прифати понудата од Подгорица.

Минатата сезона Американецот играше во Панатинаикос. Сезоната ја заврши со просек од 9,2 поени по натпревар.

Килпатрик има завидно НБА искуство, за четири години одиграл 157 наторевари за Минесота, Денвер, Бруклин, Милвоки, Лос Анџелес Клиперс и Чикаго.

Šon Kilpatrik je novi igrač ekipe Budućnost Voli! Kilpatrik ima 29 godina, igra na poziciji beka i visok je 193cm! 🔵⚪#ajmoplavobijeli pic.twitter.com/z4MJlyTWzH

— KK Budućnost VOLI (@KKBuducnostVOLI) November 18, 2019

Менаџерот на Манчестер Јунајтед, Оле Гунар Солскјер ќе добиел 200 милиони фунти за засилувања, пишуваат англиските медиуми. Според овие извори на листата на играчи што ги посакува Солскјер имало осум имиња.

Норвежанецот ќе има голема сума на располагање во зимскиот преоден рок, но прашање е колку од играчите што ги означил тој ќе бидат достапни во јануари.

Медиумите шпекулираат дека примарна цел на Солскјер се напаѓа и креативен играч од редот за врска.

Пик број 1 бил Ерлинг Халанд, тинејџерот од Салцбург чија цена изнесува околу 100 милиони евра.

Исто така Јунајтед го следат и Џејдон Санчо од Борусија Дортмунд. Тој пред неколку месеци го продолжил договорот со клубот и неговата цена е околу 120 милиони евра.

Покрај овие двајца како можни засилувања на „црвените ѓаволите“ фигурираат и Џејмс Медисон (Лестер), Деклан Рајс (Вест Хем), Калум Вилсон (Борнмут), Муса дембеле (Лион), Џон Мекгин (Астон Вила) и Џек Грилиш (Астон Вила).

Рафаел Надал сезоната ја заврши на првото место на АТП листата. Шпанецот на врвот има 840 поени повеќе од најблискиот пратител Новак Ѓоковиќ.

Надал петти пат во кариерата годината ја завршува како број 1 во светот. Пет пати најдобри на крајот од сезоната биле Роџер Федерер и Новак Ѓоковиќ. Во последните 16 години само Енди Мареј, во 2016 година, успеал да им го одземе приматот на овие тројца.

Зад Надал и Ѓоковиќ се Роџер Федерер, Доминик Тим и Данил Медведев. Во првите десет уште се и Стефанос Циципас, Александар Зверев, Матео Беретини, Роберто Баутиста Агут и Гаел Монфилс.