Битолската полиција поднесе кривична пријава против 29-годишниот Г.П. од селото Ангелци, општина Василево, кој се обид зсомничи за две кривични дела „убиство во обид“, три „тешки кражби“ и „недозволено изработување, држење и тргување со оружје“.

Според полицијата, во периодот од 2 до 7 јули годинава, Г.П. извршил низа кражби во викенд куќи во битолско – влегол во два објекти во село Крклино, при што не украл ништо, но направил материјална штета. Во село Долно Српци, насилно влегол во куќа и украл ловечка пушка и гориво.

На 7 јули, користејќи ја истата пушка, пукал кон три лица – 22-годишно момче и двајца малолетници на 15 и 16 години. Подоцна, при обид да побегне, во близина на селото Вашарејца се обидел да пука и кон полициски службеници, но не успеал. Полицијата возвратила и го погодила во ногата, по што бил приведен.

Против него е поведена постапка, а истрагата продолжува.

Вчера во 17 часот во Кичево, полициски службеници од надворешната канцеларија за криминалистички работи Кичево ги лишиле од слобода 30-годишниот Е.П. и 60-годишниот А.П. од Кичево.

При претрес во нивниот дом, извршен по наредба од Основен суд Кичево, во куќата биле пронајдени и одземени една ќесичка со бела прашкаста материја и вага. Додека, во шахта пред домот биле пронајдени и одземени 51 помали пакувања со прашкаста материја и две поголеми најлонски пакувања со бела грутчеста материја.

Двајцата биле задржани во полициска станица и по целосно документирање на случајот, против нив ќе биде поднесена соодветна пријава.

23-годишна жена од Скопје пријавила во полиција дека била физички нападната во семејниот дом во скопската населба Гази Баба.

Според пријавата поднесена на 16 јули, жената била нападната од мајката на нејзиниот вонбрачен сопруг, Л.Ј. (48). Таа, исто така, навела дека два дена претходно била физички нападната и од самиот вонбрачен сопруг, Ј.Ј. (27), исто така од Скопје.

Од МВР велат дека се преземаат мерки за целосно расчистување на случајот.