Домашен
Ѓуровски: Концентрирано во одбраната и ефикасно во нападот
Фудбалската репрезентација на Македонија, во петок ќе го одигра петтиот натпревар во квалификацискиот циклус за пласман на Европското првенство. Противник на Македонија ќе биде националниот тим на Белорусија, против кого ’црвено-жолтите’ ќе се обидат да ја забележат втората победа во Групата Ц.
Селекторот на репрезентацијата, Бошко Ѓуровски, на прес конференцијата кој се одржа во четвртокот, изрази задоволство од она што е сработено на тренинзите и ја посочи лошата реализација како главен проблем на репрезентацијата.
Поради тоа Ѓуровски најави промена на тактиката, поточно на Белорусија ќе и се спротивстави без класичен центарфор, со брзи играчи во нападот.
„Во овие неколку денови добро работевме на тренинзите и поради тоа владее отпимизан дека против Белорусија можеме да бидеме ефикасни. Имаме добри играчи во нападот Велковски е најдобар стрелец на Сараево, Блажевски кој се врати во Македонија и дава голови за Вардар, Ибраими, Хасани, Трајковски, Абдурахими се играчи кои се способно во секој момент да постигнат гол. Исто така се надевав дека против Белорусија ќе бидеме концентрирани во одбраната, дека ќе бидеме агресивни и солидарни кога треба да се одземе топката. Доколку сите се браниме и напаѓаме заедно мислам дека ќе оствариме успех“, рече Ѓуровски.
Македонскиот селектор не го откри составот со кој ќе го започне натпреварот, а како што рече отсуството на Адеми му создава проблеми.
„Составот ќе го видите утре пред почетокот на натпреварот. Ќе играат најискусните кои можат да донесат успех. Отсуството на Адеми ни направи голем проблем, а за Марио Ѓуровски нема играно досега кај мене така што не знам како тој би се вклопил. Во овој момент жалам повеќе за Адеми отколку за Марио Ѓуровски“, дополни селекторот.
Квалификацискиот натпревар Македонија-Белорусија ќе се одигра в петок на „Филип Втори“ со почеток во 20:45 часот. Во пресрет на меѓусебниот дуел во Групата Ц Македонија е четврта со три бода, а Белорусија е петта со еден бод колку што има и последнопласираната селекција на Луксембург. На табелата во групата води Словачка со 12 бодови, пред Шпанија и Украина кои имаат по девет. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.