Домашен
Кастратовиќ: Не сум задоволна од нашата форма
Екипата на Подравка ќе биде противник на ЖРК Вардар во четвртото коло, во Б групата, Лигата на шампионките. Во пресрет на ова коло вардарки имаат две победи и пораз, додека Подравка е единствената екипа која сезонава во шампинската Лига нема освоено ниту бод.
Дуелот во Скопје ќе биде втор сезонава во ЛШ за ЖРК Вардар и Подравка, пред една недела во Копривница, македонските шампионки се изнамачија за да стигнат до минимална победа (27:26).
Вардарки на стартот на сезоната во ЛШ се далеку од посакуваната форма, па мечот со Подравка на домашен терен е добра можност за подигнување на формата и самодовербата.
„Во овие три натпревара кои ги одигравме не сум воопшто задоволна од нашата форма. Се надевам дека од натпревар во натпревар ќе делуваме сé подобро и дека девојките ќе влезат во еден ритам, слично како што тоа беше и минатата сезона. Против Подравка ќе настапи истиот тим кој играше и на првиот меч во Копривница. Мене најважна секогаш ми била одбраната, но секако дека и во нападот можеме да играме подобро и поколективно. Знам дека моите девојки се најдобри во Европа, ги знам нивните индивидуални квалитети, се обидувам од натпревар во натпревар да ја покажеме нашата колективна игра “, рече тренерот на ЖРК Вардар Индира Кастратовиќ.
Маја Забиќ која на натпреварот одигран пред една недела не постигна гол, смета дека ЖРК Вардар е поквалитетен тим и воопшти не се сомнева дека тимот ќе ја забележи третата победа во ЛШ.
„Досега не одигравме онака како што знаеме. Мислам дека Подравка воопшто не е лош тим, но сепак тие не можат да се мерат со нас. Мислам дека не можат да ја повторат играта која ја презентираа во првото полувреме во Копривница, едноставно сé им одеше од рака. Во недела ние треба да покажаме колку сме подобри од нив“, рече Забиќ.
Натпреварот меѓу ЖРК Вардар и Подравка ќе се одигра в недела (19 часот) во СЦ „Јане Сандански“./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.