Домашен
Кинези и Јапонци за првпат на Виз Ер Скопски маратон 2015
Низ скопските улици на 10-мај, по дванаесетти пат ќе се одржи спортската манифестација WizzAir Скопски маратон.
Низ скопските улици на 10-мај, по дванаесетти пат ќе се одржи спортската манифестација WizzAir Скопски маратон.
Организаторот најави учество на повеќе од 7.500 маратонци, за сега од 42 држави, што претставува апосултен рекорд на оваа спортска манифестација кои ќе учествуваат на главната трка, на патеката долга 42 километри и 195 метри, на трката во полумаратон, како и на хуманитарната и детската трка.
„Се очекува ова да биде најмасовниот и најпосетен маратон до сега. Бројот на пријавени учесници е за почит, со оглед на тоа дека пријавувањето сè уште е во тек“, рече Кире Синадиновски, директор на Виз Ер Скопски маратон.
До сега се пријавени учесници од Кенија, Етиопија, Унгарија и околните балкански земји, а за првпат има учесници од Кина и од Јапонија. Ланските победници на маратонот од Кенија, нема да учествуваат годинава, поради повреди.
Последниот рок за пријавување е 30 април или до пополнување на предвидената бројка на учесници, а се врши преку веб страната на маратонот.
Се очекува настап и на македонската маратонка Весна Караџиева, која може уште еднаш да го урне македонскиот рекорд, кој веќе падна пред две недели во Милано.
Рекордот на патеката во машка конкуренција изнесува 2:21:56 часа, а во женска конкуренција 2:48:49 часа.
Наградниот фонд на маратонот изнесува 17.000 евра, што е преставува зголемување за околу 1.000 евра во однос на минатата година. За победниците на машкиот и женскиот маратон наградата е 4.000 евра, но за тоа треба да остварат време под 2 часа и 13 минути за мажи и 2 часа и 35 минути за жени.
Годинава сите учесници на трката се осигурани во соработка со „Еуроинс“ осгуривање, што бил и еден од условите Виз Ер скопскиот маратон да добие пет ѕвезди во новата категоризација “Running for all“ од Европската атлетска организација, а се однесува на безбедноста и квалитетот во организацијата на уличните трки.
Како новитет, годинава се организира и Виз Ер Скопје Маратон Експо, саем на кој сите учесници ќе можат да ги подигнат своите стартни пакети, но и другите посетители ќе може да присуствуваат на бројни презентации и предавања.
Маратонот е под покровителство на Градот Скопје, Европската Унија и Агенцијата за млади и спорт, како и генералниот спонзор Виз Ер./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.