Контакт

Домашен

Милевски: Мечот со Шкотска значаен како и претходните девет

Објавено пред

Селекторот на македонската фудбалска репрезентација за играчи до 21 година, Благоја Милевски, го објави списокот на играчи на кои смета за последниот меч од квалификациите за пласман на Европското првенство во Полска. На списокот нема изненадувања, селекторот се реши за оние играчи кои го изнесоа товарот во квалификацискиот циклус и кои со своите игри на Македонија по девет одиграни натпревари и го донесоа првото место во Групата 3.

dobivaj vesti na viber

Младите македонски фудбалери се наоѓаат пред историски успех, пласман на Европското првенство, кое наредната година ќе се одржи во Полска. Избраниците на селекторот Милевски, на коло до крајот на квалификацискиот циклус се лидери во својата група со 18 бодови, еден повеќе од Франција и три од Исланд кој има и натпревар помалку.

Македонските фудбалски надежи, во првото соочување со Шкотите ппред неполн месец, славеа со 1-0.

„Не би го издвоил овој натпревар како најважен во овие квалификации, бидејќи важноста на овој меч доаѓа како резултат на претходно одиграните девет натпревари. Доколку не бевме на вистинско ниво и доколку претходните мелеви не ги одигравме на начин на кој ги одигравме, тогаш овој натпревар ќе немаше никаква важност. Затоа за мене сите десет натпревари се со подеднаква важност. Сами сме ‘виновни’ што се најдовме во ситуација да бидеме лидери во нашата група и со самото тоа овој натпревар со Шкотска, како последен за нас во групата да добие на значање. Сигурен сум дека и на овој меч момците ќе бидат на нивото на кое играа во квалификациите, дека ќе го дадат својот максимум да дојдеме до резултатот кој сите го посакуваме, а то е победа“, рече на прес-конференцијата по повод објавувањето на списокот за натпреварот со Шкотска, селекторот Милевски.

Шкотскиот селектор, во однос на првиот натпревар помеѓу двете селекции, направи неколку измени, односно повика дури седуммина фудбалери кои се играчи на репрезентацијата до 19 години на оваа земја.

„Не се согласувам со фактот дека драстично е подмладен, тие имаат во составот петмина играчи кои играа на натпреварот против нас во Шкотска. Имаат нови седум играчи од репрезентацијата до 19 години, кои настапија на „Елит раунд“, односно квалификациите за пласман на ЕП за играчи до 19 години. Тие седуммина се играчи на Челзи, Њукасл, двајца на Рединг, Селтик, Ренџерс. Според мене имаат поквалитетен тим сега него што тоа беше за нашиот прв меч со нив. Поради тоа сметам дека ќе бидеме во голема заблуда доколку мислиме дека однапред сме го добиле натпреварот. Очекувам уште потежок меч од оној во Шкотска.“

Милевски за дуелот со Шкотска повика 22-ца фудбалери, двајца се дебитанти Попзлатанов од Пелистер и Селмани од Ренова, а не е загрижен што неколкумина фудбалери не се стандардни во своите тимови.

„Бабунски и Аврамовски подолго време не се во составот на својот тим, но тоа не пречи тие да бидат на нивото кое јас го барам од нив и не се само тие, има и други играчи кои на почетокот на квалификациите беа стандардни во своите клубови, па во текот на квалификациите го загубија местото во тимот. Но тоа е клупска политика и јас немам право ниту сакам да се мешам. Сé додека тие го даваат она што јас го барам од нив ќе бидат повикувани и ќе играат во репрезентацијата. Кога станува збор за Бетулаи и Демири тие со својот однос и игрите во репрезентацијата, па и во својот клуб, покажаа дека имаат квалитет, ситуацијата во која се наоѓаат е клупска политика и ќе повторам тука не сакам да се мешам“, рече Милевски.

Од повиканите фудбалери проблем со повредата има само Енис Барди. Тој се повредил на последниот натпревар на својот тим Ујпешт. По мечот побарал лекарска помош и било константирано дека има руптура на мускулните влакна на квадрицепсот.

„Енис Барди е под интензивна терапија и внимателно ќе се следи неговата состојба, се надевам дека ќе биде способен да игра против Шкотска“, изјави Милевски.

Младите репрезентативци првиот собир ќе го имаат на 3-ти октомври, до мечот со Шкотска (11-ти октомври) ќе се подготвуваат во Скопје.

Список на У 21 репрезентацијата за мечот со Шкотска:

Голмани: Алексовски (Вардар), Шишковски (Работнички)Одбрана: Зајков (Шарлероа, Белгија), Велковски (Вардар), Муслиу (Ренова), Амановиќ (Јавор, Србија), Мурати (Шкендија, Тошевски (Пелистер), Бејтулаи (Шкендија), Демири (Шкендија)

Среден ред: Николов (Вардар), Барди (Ујпешт, Унгарија), Бабунски (Црвена ѕвезда, Србија), Филиповски (Силекс), Аврамовски (Црвена ѕвезда, Србија), Костадинов (Злате Моравце, Словачка)

Напад: Радески (Шкендија), Ангелов (Ујпешт, Унгарија), Маркоски (Работнички), Петковски (Вардар), Селмани (Ренова), Попзлатанов (Пелистер)./крај/мф/нц

Извор: макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Домашен

Тажна вест: Почина поранешниот кошаркар на Пелистер, Зоран Петковски

Објавено пред

На 47-годишна возраст по боледување почина поранешниот кошаркар и легенда на Пелистер, Зоран Петковски.

dobivaj vesti na viber

Веста ја соопшти клубот од Битола, кој на социјалните мрежи се прости својот поранешен играч и тренер.

Петковски своите кошаркарски почетоци ги имаше токму во зелено-белиот дрес, беше и младински репрезентативец на Македонија во одличната генерација предводена од Митко Луковски, а потоа во кариерата ги бранеше и боите на Куманово, Вардар, МЗТ Скопје, Соколи, повторно Пелистер,па Радовиш.

Кога ја почна тренерската кариера тој седна на клупата на КК Пелистер, тим со кој обезбеди влез во елитното друштво. Пред неколку години тој беше и дел од управата на „пелистерци“.

Прикажи повеќе...

Домашен

Златна недела за „Алкалоид“

Објавено пред

РК Алкалоид викендов стана шестиот клуб во Македонија кој успеал да освои пехар од националното Куп натпреварување кое брои 32 сезони, вклучително со прекинатата ковид сезона 2019-20.

dobivaj vesti na viber

Зад Алкалоид е златна недела. Почнувајќи од 12 до 19 мај, седум дена во кои пионерите станаа државни прваци, потоа и младинците беа верификувани како шампиони, за конечно и кадетите да го подигнат шампионскиот пехар. Такво нешто во поновата историја му им успеано само на Металург, но немаше ни тие одличја да блеснат вака, ако успехот не беше комплетиран со пехар на сениорскиот тим.

Од улога на трет носител или аутсајдер во однос на двата најпознати колектива, Алкалоид потврди дека Куп е приказна во која непишаните правила важат исто колку и пишаните.

Огромна сатисфакција плус за тренерот/селектор и неколкуте репрезентативци што се градат во овој клуб е успешниот бараж на сениорската репрезентација.

Златна недела е сосема адекватен епитет за ракометниот колектив Алкалоид и уште една успешно штиклирана сезона.
Трета успешна од вкупно три, што е голем предизвик за четвртата.

Но, има и други причини да биде задоволен Алкалоид од наш агол можеби и поважни отколку погледот кон витрината сезонава.

Во Македонија (ова е личен став) има погрешно поставен систем на вредности кога се во прашање резултатите. Речиси сѐ е поставено во служба на резултатот преточен низ бројки и конечниот пласман што служи за задоволување на амбициие, желбите и вкусовите на спонзорите и на локалната јавност и посебните групи на фанови.

Најбрзиот и најефикасниот начин тоа да се постигне е вложување во готови производи во најголем дел странски играчи, надополнета со тоа што колку толку го нуди домашниот пазар.

Секој си го бира својот пат, подвлечено тоа си е клупска политика, но генерално ваквите приказни се успешни додека има пари. Повеќе пари, подобри резултати, но кога парите ќе секнат, а таа чешма кај нас знае брзо да се затвори, не останува ништо.
Примери што ќе го поткрепат ова има доволно, но тоа е тема што е многу обемна и заслужува поголем простор само за себе.

Алкалоид има и повеќе причини да биде задоволен, не само поради шампионските пехари во младинските категории и пехарот во Куп на Македонија.

За само три години овој колектив покажа дека работи по поинаква матрица од споменатиот систем на вредности и во моментов е еден од најдобро организираните ракометни колективи, иако има најмало искуство и логично т.н. детски болести што едноставно мора да се прележат. Но, логистички во сите сфери, Алкалоид е на ниво на европски клуб.

Во прилог е клупската стратегија, определба и решителност да се докаже дека резултати со бројки можат да се постигнат и со домашни ракометари, ако им се даде вистинска шанса, се работи квалитетно и истрајно.
Инвестирање во организација и работа со млади категории, селекцијата и условите уште во првата сезона донесоа пехар, а во третата комплетна доминација.

Може да биде задоволен што ги извади за кратко време на ниво да бидат забележани и од странство играчи како Марко Митев, зад него е Дамјан Митев, новата ѕвезда Иван Галевски итн. Но, ќе чуете многу повеќе уште летово и за браќата Узунчеви, потоа онаа многу добра кадетска екипа со уште еден голман со огромен потенцијал како Ѓорги Николовски, потоа бековите Христијан Гурмешевиќ, Марин Крстевски итн.

Во Македонија системот на вредности, сепак, најмногу се гледа низ резултатите како бројки, а достигнувањата на Алкалоид во организацискиот дел, младите категории итн. немаше да бидат вистински вреднувани доколку во клубот не стигнеше пехар во сениорска конкуренција. За да се заработи респект, треба да се победи и да се освои пехар.

Со победите над Вардар и Е. Пелистер во Куп на Македонија го мина и тоа ниво од играта.

Сега, со нескриена љубопитност и нетрпение чекаме да видиме каков ќе биде нивниот следен чекор. Многу работи зависат од тоа како ќе изгледа следното ниво, не само за клубот, туку и за репрезентацијата и генерално и за целиот ракомет во Македонија.

 

Прикажи повеќе...

Домашен

Денеска во Прилеп 11. планинска трка „Крали Марко Треилс“

Објавено пред

Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.

dobivaj vesti na viber

„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.

Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.

Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.

Прикажи повеќе...

Најново

Македонија8 часа

Марш на ангелите“ во Кочани: До кога ќе се одложува правдата и вистината за „Пулс“

Родителите и блиските на загинатите во пожарот во „Пулс“ одржаа уште еден „Марш на ангелите“ во Кочани, кој почна од...

Македонија14 часа

Анализите покажаа дека нема тешки метали во водата што ја пиеле затруените деца од ОУ „Димо Хаџи Димов“

Институтот за јавно здравје (ИЈЗ) денеска информира дека целосно се завршени анализите на мострите од вода земени од ОУ „Димо...

Македонија14 часа

Поголем дел од Скопје утре без вода

ЈП „Водовод и канализација“ – Скопје информира дека утре, 30 ноември (недела), поради два одделни зафати на водоводната мрежа, повеќе...

Македонија18 часа

Бесплатни уролошки прегледи денес во амбулантата на Специјализираната болница за геријатриска и палијативна медицина

По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември”...

Свет20 часа

Еден загинат и 11 повредени во руски напад со дронови врз Киев, меѓу нив и дете

Најмалку едно лице загина синоќа, а 11 се повредени во руски напад со дронови врз Киев, соопштија градските власти. Градоначалникот...

Свет21 час

Преговорите со САД за мировниот план за прекин на конфликтот со Русија ќе почнат наскоро, вели Зеленски

Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со...

Свет22 часа

Во притвор се сите осомничени за грабежот во Лувр во Париз вреден 88 милиони евра

Четворицата наводни главни извршители на кражбата на скапоцености во Лувр во Париз сега се зад решетки, соопшти вчера јавниот обвинител...

Европа1 ден

ЕУ ѝ постави ултиматум на Украина

Киев мора да преземе решителни мерки за гонење на корумпирани политичари и бизнисмени ако Украина сака да се приклучи на...

Европа2 дена

Главниот советник на Зеленски поднесе оставка

Андриј Јермак, моќниот шеф на кабинетот на украинскиот претседател Володимир Зеленски, поднесе оставка. Оставката дојде откако агенти од Националното биро...

Свет2 дена

Трамп му ги предава окупираните украински територии на Путин, пишува Телеграф

САД наводно се подготвени да ја признаат руската контрола врз Крим и другите окупирани украински територии со цел да се...

Македонија2 дена

Во мусаката од првата смена пронајдени бактерии, истите откриени и на чешмите во училиштето „Димо Хаџи Димов“

По стомачните тегоби кај десетици ученици во „Димо Хаџи Димов“, инспекциите утврдија нехигиена на чешмите во училниците и кујната. На...

Економија2 дена

Од 1 декември поскапува парното: сметките повисоки за околу 130 денари

Регулаторната комисија за енергетика, водни услуги и управување со комунален отпад (РКЕ) ја информира јавноста дека од 1 декември цената...

Македонија2 дена

Мицкоски: Имам информации дека судија известител ставил потпис на извештајот со кој се укинува линеарното покачување на пензиите

„Ќе кажам дека вчера за време на пратеничките прашања бев многу прецизен и кажав дека имам информации дека е отпочната...

Топ2 дена

Mаж најден починат утрово на тротоар на „Илинденска“

Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К....

Македонија2 дена

(Видео) Мицкоски: Без ефикасна и чесна даночна администрација нема силна економија и одржливи јавни финансии

Без ефикасна и чесна даночна администрација нема ниту силна економија, ниту одржливи јавни финансии, ниту држава што може да планира...

Топ2 дена

Струмичанецот што со шприц сакаше насилно да ѝ вшприца на сопругата пестицид ќе одговара за обид за убиство

Струмичанец со шприц сакал насилно да ѝ вбризга на сопругата пестицид. Таа почнала да вика, а двете малолетни деца слушнале...

Македонија2 дена

Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето

Од ЈП „Водовод и канализација“ – Скопје информираат дека по извршениот вонреден мониторинг, водата во ООУ „Димо Хаџи Димов“ во...

Македонија2 дена

(Фото) Отстранета дивоградба на улицата Орце Николов, Герасимовски најави расчистување на бесправните објекти

Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...

Свет2 дена

Норвешки ветеран: НАТО влегува во фаза на распаѓање

Во блиска иднина, НАТО не само што би можел да ослабне, туку и да престане да постои како релевантен воено-политички...

Македонија2 дена

Жителите на Чучер-Сандево тргнаа во наплата на изборните ветувања: ја бараат ветената канализација од градоначалникот Зоран Бајовски

Со уредно платени комуналии за куќите жителите на четири улици, кои припаѓаат на Општина Чучер-Сандево, иако се многу поблиску до...