Домашен
Петар Наумовски: МКФ функционира нормално
Во врска со наводите во медиумите дека во раководството на Македонската кошаркарска федерација (МКФ) дошло до недоразбирање, па поради тоа директорот на репрезентациите Илчо Мерџановски и генералниот секретар Дејан Јовановски ја напуштиле МКФ, а претседателот Петар Наумоски останал сам, првиот човек на македонската кошарка преку соопштение, објавено на официјалната интернет страница на федерацијата ѝ се обрати на јавноста.
„Нормално е при промена на највисоките органи на Федерацијата да дојде и до промена на одредени раководни позиции во неа. Тоа не значи дека има конфликти и дека федерацијата не функционира. Директорот на репрезентациите Илчо Мерџановски е разрешен од оваа функција, но сé уште е активен во федерацијата, односно во исполнување на обврските кон федерацијата и обврските на федерацијата кон трети субјекти. Оваа одлука е донесена заемно, а во најкус рок ќе бидат именувани заменици за оваа позиција“, стои на почетокот на соопштението со дополнение дека на седница на Управниот одбор ќе се одлучува дали едно лице ќе раководи со оваа функција или ќе бидат именуванио повеќе лица кои ќе работат на различните репрезентативни нивоа.
Наумовски, исто така, потсети дека МКФ веќе ја ангажираше поранешната репрезентативка Моника Гавриловска.
Наумовски потврдува дека генералниот секретар Дејан Јовановски, по еден месец минат на функцијата од лични причини решил да си замине, бидејќи не можел во целост да ги исполни бараните обврски поради други лични ангажмани и дека тој се враќа на работното место каде бил и пред да биде именуван за генерален секретар на МКФ.
„По однос на заминувањето на доскорешниот генерален секретар Дејан Лекиќ, наведуваме дека тој беше разрешен од функцијата генерален секретар, но остана само како вработен. Увидувајќи дека не може да се вклопи во новиот начин на раководење, самиот одлучи да ја напушти федерацијата. Ова е апсолутно негово лично право и одлука и истата нема посебно да влијае на работата на федерацијата. Уште еднаш напоменуваме дека вакви промени се очекувани и нормални по промена на претседател и Управен одбор на една федерација и дека органите на федерацијата функционираат нормално и дека наскоро ќе бидат пополнети сите позиции во федерацијата“, стои во соопштението на првиот човек на МКФ, Петар Наумовски.
Наумовски, исто така, во соопштението ги моли медиумите да се воздражат од „вакви коментари и шпекулации особено во периодот кога репрезентацијата ја очекува настап на Европското Првнество“./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.