Домашен
Полска 2016: Македонија со пораз го заврши ЕП
Македонската ракометна репрезентација со пораз го заврши настапот на 12-то Европско првенство и во конечниот пласман ќе се најде на 11-то место. Македонија, во последниот меч во Групата 1, загубија од Белорусија 29:30 (13:14).
Македонија без победа, со едно реми и пет порази го заврши настапот на ЕП во Полска. Ако поразите од Франција и Полска во првата фаза беа калкулирани, ако во втората фаза, поради заморот Хрватска лесно славеше, за поразот против Белорусија ракометарите не можат да имаат никаков изговор.
Белорусија, десеткувана настапи против Македонија, во ротацијата со само деветмина, но и тоа и беше доволно да ја победата анемичната македонска репрезентација.
Дека Белорусите повеќе ја посакуваат победата беше видливо од самиот почеток, кога поведоа со три гола разлика, максимално користејќи ги ‘дупките’ во нашата одбрана.
Чудна беше и талтиката на почетокот на селекторот Обрван, кој започна без стандардните Манасков и Георгиевски, со Ојлески и Митков.
Одбраните на Ристовски ја држеа Македонија во игра во првиот дел, но поради техничките грешки и лошата игра во нападот Македонија не успеа да направи сериозна предност во моментите кога го презеде водството.
Летаргично Македонија го започна второто полувреме, кога на противникот му дозволи да постигне четири гола во серија, а набргу потоа Белорусија стигна и до максималната предност од шест гола.
Во последните 15 минути ‘црвено жолтите’ се обидоа да го избегнат поразот, стигнаа до израмнување, но Белорусите ги одбија тие напади и на крајот заслужено стигнаа до победата, втора на ова ЕП, со која го избегнаа последното место во Групата и во конечниот палсман ќе го освојат 10-то место.
Борко Ристовски со 16 одбрани беше најдобриот игра на нашиот тим, а веднаш до него е Кире Лазаров кој постигна 10 голови.
Пуховски, во отсуство на Рутенка и Шилович, ги предводеше Белорусите со 11 голови. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.