Домашен
Вардар на полусезоната пет бода пред Шкендија
Фудбалерите на Вардар со предност од пет бода пред најголемиот конкурент Шкендија го завршија есенскиот дел од домашниот фудбалски шампионат. Во 18. коло, последно во есенскиот дел од шампионатот, Вардар и Шкендија запишаа сигурни победи во дуелите со Силекс, односно Шкупи. Вардар славеше над Силекс со 4:0, а Шкендија со 4:1 го порази Шкупи.
Вардар до победата над екипата од Кратово стигна со головите на Грнчаров во првото, односно Ивановски и Стојков кој постигна два гола во второто полувреме.
Ибраими, постигна два гола во првото полувреме за сигурна предност на Шкендија во дуелот со Шкупи. Во воторото полувреме третиот гол го постигна Алими, потоа Асани зголеми на 4:0, а Бајрами го постигна почесниот гол за Шкупи.
Фудбалерите на Младост во Охрид ги постигнаа сите голови во триумфот над Хоризонт Турново (2:1). Најпрвин Цветановски погоди за водство на Младост, потоа со автогол израмни Ѓорески, а Далчески во финишот на првиот дел ја врати предноста на Младост. Турново мечот го заврши со десетмина, откако Тафе беше исклучен поради вториот жолт картон во 66. минута.
Прашањето на победникот на мечот Брегалница-Ренова беше решено во првите 20 минути кога беа постигнати головите.
Скендери во третата минута погоди за водство на Ренова, а три минути подцна израмни Христов. Здравков направи пресврт во десеттата минута, а Скендери со својот втор гол израмни на 2:2. Третиот гол за Брегалница го постигна Нацев во 22 минута.
Најголемото изненадување го направи Металург, кој со драстично подмладен состав успае да освои бод против фаворизираниот Работнички.
Металург-Работнички 0:0
Младост Царев Двор-Хоризонт Турново 2:1
Брегалница-Ренова 3:2
Шкендија-Шкупи 4:1
Вардар-Силекс 4:0
Табела, 18.Коло: 1. Вардар 43, 2.Шкендија 38, 3. Силекс 26, 4. Шкупи 24, 5. Работнички 24, 6. Ренова 20, 7. Турново 20, 8. Брегалница, 19. Младост 16, 10. Металург 13./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.