Домашен
Веспрем последна пречка на патот за Келн
Стариот познаник Веспрем е последната пречка кој им стои на патот кон пласман на завршниот турнир во Лигата на шампините на ракометарите на Вардар, коишто трета година со ред се учесници во четвртфиналето. „Црвено-црните“, во претходните две сезони ги губеа четвртфиналните двомечи од Фленсбург, односно Кјелце.
„Веспрем е одличен тим, финалист во ЛШ минатата сезона, тим кој ги има Палмарсон, Наѓ, Илиќ, Чема Родригез. Играат добра одбрана, имаат силни, високи играчи, кои играат многу паметно. Ако сакаме да ги минеме, мора да играме добра одбрана, да развиваме што е можно повеќе контранапади. Ние сме подготвени, остана уште малку да ја анализираме нивната игра. Вардар треба да го има фокусот само врз овој натпревар, да одиграме добро, воопшто не треба да размислуваме за реваншот“, рече на прес-конференцијата во пресрет на натпреварот со Веспрем, вардаровиот тренер Раул Гонзалес.
Вардар и Веспрем изминатите две години одиграа седум натпревари, македонскиот шампион има само една победа, додека од трите овосезонски натпревари во СЕХА лигата, два завршија нерешено, а третиот заврши со победа на Веспрем 28:26 (3. април, финале СЕХА лига).
Вардаровиот тренер не е загрижен од овој податок, бидејќи, како што рече, тоа е само статистика која не мора ништо да значи.
„Ние, оваа сезона, имавме шанса за победа во Веспрем, лани имавме десет разлика таму, но ваквата статистика е добра само за новинарите, ние треба да се фокусираме само на овој натпревар. Не треба да се оптоваруваме со претходните наши дуели. Овој меч ќе биде различен од претходните“, рече Раул Гонзалес дополнувајќи дека желбата е да се победи и дека не размислува колкава предност ќе му овозможи мирен реванш на Вардар.
„Добро е да се победи, бидејќи така шансите во реваншот се поголеми. Ние сакаме да победиме, но не знаеме како ќе биде на теренот. Мислам дека мечот ќе биде ’тесен’, сепак е ова четвртфинале. Веспрем може да победи тука, но може да победи и во Барселона“, додаде Раул Гонзалес.
Вардар за овој натпревари ќе ги има во тимот сите играчи, а тренерот ќе реши кој ќе излезе на теренот. Филип Лазаров во средата го имал првиот тренинг по повредата, а добра е ситуацијата и со Сергеј Горборк, иако тој играше завршниот турнир во СЕХА лигата.
„Веспрем е последната пречка за пласман на толку посакуваниот фајнал Фоур. Оваа и претходната година, неколкупати игравме против нив, мислам дека добро се познаваме. Им ја препуштам фаворитската, сепак лани играа на завршниот турнир. Очекувам тежок меч и сметам дека одбраната ќе го реши победникот“, рече Стојанче Стоилов.
Натпреварот Вардар-Веспрем ќе се одигра в сабота (16 часот, СЦ Јане Сандански), а реваншот во Унгарија е една недела подоцна./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.