Спорт
Доменек сака да биде селектор на Србија

Рајмон Доменек, потврдил дека е еден од кандидатите за селектор на фудбалската репрезентација на Србија. Поранешниот француски селектор, истакнал дека „контакти“ му ја пренеле заинтересираноста на Фудбалскиот сојуз на Србија и дека тој одговорил потврдно.
„Вистина е дека ме контактираа и дека одговорив потврдно. Заинтересиран сум да ја преземам фудбалската репрезентација на Србија. Нивото на вашата селекција е високо, имате сјајни фудбалери. Има потенцијал да се направи нешто интересно“, изјавил Доменек за „Новости“.
Тој рекол дека има идеја како да работи и открил кој е најголемиот проблем на Србија.
„Организацијата е најважна. Талентите се тука, треба да само да се направи да играат како еден, да играат заедно. Имам концепт како тоа може да се оствари. Да немав концепт не би размислувал за селекторската функција“, заклучил Доменек.
Србите се во потрага по нов селектор, иако актуелниот Љубиша Тумбаковиќ се уште се наоѓа на својата позиција. Тумбаковиќ ќе добие отказ откако не успеа да се пласира на Европското првенство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мастерсот во Шангај доби сензационален полуфиналист

Валентин Вашеро, 211-от тенисер во светот кој игра под знамето на Монако, се пласираше во полуфиналето на Мастерсот во Шангај.
Иако целосен аутсајдер, Вашеро го победи Холгер Руне во три сета, со 2:6, 7:6, 6:4.
Мечот беше решен откако поради грчевите Данецот не можеше да стои, а во последните поени беше целосно беспомошен.
Вашеро го искористи тоа и стигна до најголемиот успех во својата кариера, но секако мора да му се оддаде признание за она што го направи претходно.
Во вториот сет беше на работ на пораз, но играше феноменално во тај-брејкот и спречи елиминација, а подоцна, со грчевите на Руне, успеа да слави.
Инаку, ова беше негов шести меч во Шангај, од кои еден доби кога Махач му го предаде мечот, а во другите пет, внимавајте, победи откако го губеше првиот сет, а потоа успеваше слави по пресврт.
Во борбата за финалето во Шангај, негов ривал ќе биде победникот мечот меѓу Белгиецот Зизу Бергс и српскиот тенисер Новак Ѓоковиќ.
Foto/ EPA
Спорт
Мајката на Мбапе се жали дека нејзиниот син ја плаќа цената на славата

Фаиза Ламари, мајката на Килијан Мбапе, откри детали од приватниот живот на својот син, еден од најдобрите играчи на денешницата.
Во вторникот, во Париз се одржа настанот „Demain le Sport“, каде што таа зборуваше за тоа колку е тежок животот на ѕвездата на Реал Мадрид.
„Разговарав со него минатата година, кога работите не одеа добро. Го прашав дали сака да има девојка, а тој одговори: „Дали во овој хаос има место за некоја жена?““, рече Фаиза Ламари.
Таа истакна дека нејзиниот син понекогаш само сака да избега од сè.
„Знаете, некогаш се вози во Пежо 206 само за да види како изгледа нормалниот живот. Тој повеќе не може да оди по улицата како нормален човек. Тоа ме прави тажна.“
Таа се осврна и на истрагата за наводниот сексуален напад за кој Килијан Мбапе беше обвинет минатата година во Шведска.
„Му верував на Килијан, но го прашав директно: „Дали го направи тоа?“ Тој одговори: „Дали си луда?“ Тоа беше единственото патување што не го организиравме ние… и затоа ја плативме цената.“
Фото/ Принтскрин
Спорт
Американците го преместија натпреварот нао Аргентина во друг град

Пријателскиот натпревар меѓу Аргентина и Порторико во Соединетите Американски Држави е преместен од Чикаго во Форт Лодердејл и одложен за вторник поради безбедносни и логистички проблеми, соопштија организаторите.
Натпреварот, кој првично беше закажан да се игра во понеделник на „Солдер Филд“, сега ќе се одржи ден подоцна на стадионот „Чејс“ во Флорида, домот на капитенот на Интер Мајами, Лионел Меси.
Според медиумите, локацијата е променета поради протестите во Чикаго против американската имиграциска политика, што го отежна гарантирањето на безбедноста на настанот.
Светскиот шампион Аргентина, која веќе го обезбеди своето место на Светското првенство следната година во Соединетите Американски Држави, Мексико и Канада, ќе игра и против Венецуела пријателски натпревар, во петок на стадионот „Хард Рок“ во Мајами.