Спорт
Дончиќ не запира со „магијата“, Орландо ја прекина низата на Лејкерси (видео)
Далас маверикс на гости со 127:123 го победи тимот на Сакраменто кингс во ноќ во која уште еднаш воодушеви нереалниот Лука Дончиќ, кој за 34 минути имаше уште еден трипл-дабл учинок.
Словенецот имаше 25 поени, 17 асистенции и 15 скока,а во победата му помогнаа Сет Кари со 21 и Тим Хардавеј со 17 поени. Кингси пак, беа предводени од Д’Арон Фокс (27 поени и 12 асистенции) и Бади Хилд (25 поени).
Маркел Фулц имаше 21 поени, 11 скока и 10 асистенции за Орландо меџик да го направат најголемото изненадување и на гости да ја прекинат низата од 9 победи на Лос Анџелес лејкерс со 119:118 победа. Арон Гордон додаде 21 поен а Меџик, а по 19 имаа Вес Ивунди и Никола Вучевиќ за Орландо кои имаа дури 21 поен предност во текот на мечот.
За Лејкерси, Квин Кук имаше 22 поени ,а Леброн Џејмс заврши со 19 поени и 19 асистенции.
НБА РЕЗУЛТАТИ
Бостон -Детроит 103:116
Филаделфија – Бруклин 117:106
Мајами – Сан Антонио 106:100
Чикаго – Вашингтон 115:106
Минесота – Индијана 99:104
Оклахома Сити – Торонто 121:130
Денвер – Шарлот 100:86
Хјустон – Портланд 107:117
Сакраменто – Далас 123:127
ЛА Лејкерс – Орландо 118:119
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија мора да ја победи Романија, потоа ќе навива за Данска
Ракометната репрезентација на Македонија, вечерва во Хернинг, го игра клучниот натпревар, во првата фаза на 17-то Европско првенство. Од 18 часот, Макеоднија ќе се соочи со репрезентацијата на Романија.
Македонија, по нерешениот резултат со Португалија (29:29), ги задржа шансите за пласман во главната фаза. Вечерва ќе биде познато дали избраниците на Кирил Лазаров ќе продолжат во главната фаза, во група со Франција, Норвешка, Германија, Шпанија и Данска.
Познато е што и е потребно на Македонија за пласман во Топ 12. Прв услов е победа над Романија, по можност убедлива, а потоа потребен е и убедлив триумф на Данска над Португалија.
По првите две рунди во Б групата, Португалија има гол разлика +6, а Македонија -12.
Foto/ EPA
Спорт
По прославата доаѓаат казните
Африканската фудбалска конфедерација (CAF) издаде соопштение по финалниот натпревар од Африканскиот куп на нации, кој имаше скандалозен крај.
Фудбалерите на Сенегал го кренаа вториот трофеј во последните три учества на континенталното првенство со минимален триумф (1:0), над домаќинот Мароко, а малку фалеше Сенегалците да не го доиграат натпреварот.
Виновник за циркузот на стадионот во рабат, беше конгоанскиот судија, Жан-Жак Нгамбо Ндала, кој досуди пенал за Мароко веднаш по поништувањето на голот на Сенегал. Двете одлуки беа спорни, што беше премногу за гостите и селекторот Папе Тијав ги повлече своите фудбалери од теренот.
На инсистирање на капитенот Садио Мане, играчите се вратија, Брахим Дијаз го промаши пеналот, а Сенегал на крајот победи со гол во првото продолжение.
Сепак, настаните на теренот, на трибините и во конференциската сала нема да останат неказнети. CAF објави дека ќе се спроведе истрага, по што сите одговорни ќе бидат казнети.
Бидејќи претставниците на Мароко ја добија наградата за фер-плеј, претпоставката е дека „подебелиот крај“ ќе го извлече Сенегал.
„Африканската фудбалска конфедерација го осудува неприфатливото однесување на неколку играчи и службени лица за време на финалето на Африканскиот куп на нации помеѓу Мароко и Сенегал.
Конфедерацијата остро осудува секаков вид неприфатливо однесување за време на натпреварите, особено она насочено кон судиите или организаторите.
Ги прегледуваме сите снимки и сите докази ќе бидат доставени до надлежните органи со цел да се преземат мерки против одговорните“, соопшти CAF.
Foto/ EPA
Спорт
Лидерот Арсенал гостува кај Интер во Лигата на шампионите
Натпреварите од седмото коло од Лигата на шампионите ќе се играат во следните два дена.
Дербито ќе се одигра на „Џузепе Меаца“ во Милано, силите ќе ги одмерат лидерите во Серија А и Премиер лигата, Интер и Арсенал.
Интер и Арсенал, во оваа фаза играа и минатата сезона, тогаш италијанскиот тим победи со 1:0.
Интер ги загуби последните два натпревари во Лигата на шампионите и никогаш не загубил три во својата историја, додека Арсенал бележи совршен настап – шест победи во шест натпревари во лигашката фаза.
„Топџиите“ се во серија од десет последователни победи во лигашката фаза, а им треба само уште една топка во мрежата за јубилејниот 400-ти гол во историјата на Купот/Лигата на шампионите.
ЛШ, 7.коло, вторник:
Каират-Бриж (16.30)
Боде/Глимт-Манчестер Сити (18.45)
Интер-Арсенал (21.00)
Копенхаген-Наполи (21.00)
Олимпијакос-Баер Леверкузен (21.00)
Реал-Монако (21.00)
Спортинг-ПСЖ (21.00)
Тотенхем-Борусија Дортмунд (21.00)
Виљареал-Ајакс (21.00)
Табела:

Foto/ depositphotos

