Норвешката ракометна репрезентација се приклучи на Хрватска и на Шпанија во полуфиналето на Европското првенство, откако во нордиската пресметка со 31:28 го победија Исланд за шеста победа во исто толку меча на шампионатот.

Сега, останува неизвесно само кој ќе биде вториот патник од групата 2, а кандидати се Словенците и Унгарците. Унгарија вечерва игра со Шведска и ако ја победи ќе биде во „пол-позиција“, бидејќи во последното коло ќе игра со Португалија, додека Словенците ќе играат со Норвешка.

Против Исланд, Норвежаните уште на стартот покажаа дека ќе одат само на победа, поведувајќи со фантастични 7:0, освојувајќи го полувремето со иста разлика (19:12). Исланд имаше многу подобро отварање на второто полувреме, правејќи серија од 6:3, но не успеаја да се доближат на моќните Норвежани, кои според играта се дефинитивно најголеми фаворити за златото.

Сандер Сагосен повторно блескаше со девет гола за Норвешка, а шест имаше Кристијан О’Саливен, додека за Исланѓаните, Олафур Гудмундсон беше најефикасен со пет гола.

ЕВРОПСКО ПРВЕНСТВО, 2. ФАЗА, ГРУПА 2

Португалија – Словенија 24:29 (15:14)

Норвешка – Исланд 31:28 (19:12)

Унгарија – Шведска 20.30 ч.

Табела: 1.Норвешка 8, 2.Словенија 6, 3.Унгарија 4, 4.Исланд 2, 5.Португалија 2, 6.Шведска 0

Watch the Game Highlights from Norway vs. Iceland, 01/21/2020 pic.twitter.com/eRR0hjx80s

— EHF EURO (@EHFEURO) January 21, 2020

Анте Ребиќ вели дека сака да „остави впечаток“ во Милан и признава дека ситуацијата не е таква како што очекувал кога пристигнал на „Сан Сиро“.

Ребиќ стана инстант-херој, откако како замена постигна два гола против Удинезе за драматична 3:2 победа над Удинезе, но уште нема стартувано за „росонерите“. 26-годишниот Хрват, кој дојде од Ајнтрахт Франкфурт, не го губи ентузијазмот, но знае дека ќе биде потребно време.

„Не очекував ваква ситуација кога пристигнав, но работите полека доаѓаат на место. Имаме млад и квалитетен тим и останувам оптимист. Дојдоа неколку искусни фудбалери оваа зима, Ибрахимовиќ, Беговиќ и Кјер и резултатите се подобруваат“, вели Ребиќ во интервју за „Спортске новости“.

Тој признава дека најимпресиониран е од Ибрахимовиќ и покрај неговите 38 години.

„Ибрахимовиќ е еден од најдобрите во историјата на фудбалот. Тој е големо засилување и од неговото искуство ќе добијат сите. Тој е позитивен карактер и носи победнички менталитет. Вистинска чест е да се игра против него“, додава Ребиќ.

Фудбалерот на германски Лајпциг, Тимо Вернер би можел да направи трансфер во Барселона како замена за повредениот напаѓач Луис Суарез, пишува шпански „Спорт“.

Информациите се дека Барса ќе се обиде на позицијата на Уругваецот, кој поради операцијата на коленото нема да му биде на располагање на тренерот Сетиен неколку месеци, да го донесе на „Камп Ноу“ моментно најдобриот стрелец во Бундеслигата.

Вернер сезонава одигра 26 меча за Лајпциг во сите натпреварувања и постигна 25 гола, а 23-годишниот напаѓач и 10-пати асистираше за погодок.

Лајпциг моментно е на врвот на табелата во првата германска лига, со 4 бода повеќе од второпласираниот Баерн Минхен.

За потсетување, Вернер веќе подолг период е на радарот на Ливерпул, па „Билд“ неодамна пишуваше дека менаџерот на „црвените“, Јирген Клоп веќе го „капарисал“ германскиот репрезентативец.

Останува да се види кој ќе излезе како победник во битката за потписот на Вернер.