Завршницата на ЕУРО 2020 би можела да ја смени локацијата, пишува „Тајмс“. Според планот, полу-финалните мечеви и големото финале треба да се одиграат на „Вембили“ во Лондон. Според „Тајмс, поради рестриктивните мерки кои се во сила, во Велика Британија, УЕФА размислува да ја смени локацијата за завршните натпревари.

УЕФА од Британците побарале за ВИП-гостите, кои треба да бидат присутни на завршницата, да не важи десетдневниот карантин. Според мерките во Обединетото Кралство, сите кои влегиваат во земјата, а се наоѓаат на црвената листа мора да бидат десет дена во изолација.

Доколку ситуацијата не се смени, УЕФА, како што пишува „Тајмс“, има намера завршницата да ја префрли во Будимпешта. Во Унгарската престолнина, во првото коло, Унгарија и Португалија играа пред 67.000 навивачи.

Целта на УЕФА е на своите вработени, ВИП-гостите и навивачите да им овозможи што е можно полесен начин на завршницата на ЕУРО.

Овој извор, наведува дека владата на Британија, во наредните денови, ќе го разгледа барањето на УЕФА, за да ги укине мерките за вработените на УЕФА, политичарите и спонзорите.

Б-групата на Европското првенство, во последното коло ќе привлече најголемо внимание. Белгија, со две победи избори пласман во осмина-финалето, а останатите три репрезентации имаат реални шанси да стигнат до нокаут-фазата.

Белгија, ја оправда фаворитската улога во оваа група и со победите над Русија (3:0) и Данска (2:1), го обезбеди првото место во групата. Во осмина-финалето, Белгијците ќе играат против третопласираниот тим од Д или Е-групата.

За преостанатото место или места се борат Финска, Русија и Данска. Данците иако се без бодови, по поразите од Финска (0:1) и Белгија (1:2), имаат реални шанси да бидат дури и втори во групата.

Во последното коло, Данска ќе игра против Русија, а Финска против Белгија.

Јасно е дека еден бод ги носи и Русите и Финците во осмина-финалето, бидејќи во првите две рунди тие освоија по три бода.

Во случај, Финска да загуби од Белгија, што е реално сценарио, а Данска да ја победи Русија, тогаш овие три репрезентации ќе имаат по три бода. Во тој случај ќе се формира мини табела.

Ако Данска ја победи Русија со два гола разлика, а Финска загуби од Белгија, тогаш на мини табелата Данците ќе бидат најдобри и ќе го освојат второто место во групата, Финците би биле трети, а Русите последни. Финците тогаш би се надевале дека ќе бидат една од најдобрите третопласирани репрезентации.

Доколку Данска ја победи Русија со еден гол разлика, а да притоа постигне минимално два гола, тогаш Данците и Русите би биле еднакви на мини табелата, а Финците би биле последни. Во овој случај би се гледале и резултатите на Данска и Русија против Белгија, а тига во предност би биле Данците.

Доминик Тим нема да учествува на Олимписките игри во Токио. Австриецот е второто големо име на светскиот тенис кој реши да ги пропушти Игрите. Вчера, Рафаел Надал, објави дека нема да игра во Токио.

„Сакам со вас да ја споделам оваа тажна вест. По разговорите со мојот тим и деталната анализа на ситуацијата, решив да ја донесам оваа тешка одлука. Нема да играм на Олимписките игри во Токио.

За мене како спортист, не постои поголема чест да настапувам за својата земја на ОИ. Поради тоа оваа одлука е уште потешка.

Последните две недели жестоко тренирам, напредувам на физички план. Планирам напорно да работам наредните недели, да пружам максимум на Вимблдон и да ја одбранам титулата на Ју-ес опен.

На австрискиот тим му посакувам успех во Токио. Млад сум, се надевам дека ќе играм за Австрија во Париз 2024 година“, напишал Тим на Твитер.

Доминик Тим има кошмарна сезона, најдобар резултат му е четврт-финалето на Австралија опен. На Мастерс турнирите само во Мадрид успеа да дојде до третото коло, додека на Ролан Гарос испадна на стартот, во првото коло.