Спорт
Две лица приведени поради нападот на делегацијата на Црвена звезда во Задар
По повод двата одвоени напади во Задар врз лица од делегацијата на кошаркарскиот клуб Црвена звезда, полиција во саботата вечерта соопшти дека „во полициските простории има две лица кои се поврзани со овие настани“.
Во саботата „околу 20.00 часот, до полициските службеници на Полициската управа Задар пристигнале пријави за два настани, кои се поврзани со одржувањето“ на денешниот спортски натпревар во Задар.
„Во тек е кривична истрага за утврдување на сите околности и факти на овие настани. Во просториите на полицијата има две лица кои се приведени во врска со овие настани. По завршување на кривичната истрага, полицијата навремено ќе ја информира јавноста“, се наведува во соопштението, пренесува Индекс.хр.
КК Црвена звезда претходно соопшти дека „во саботата вечерта во два одвоени инциденти во Задар без повод и причина бил нападнат член на Управниот одбор на клубот заедно со уште еден пријател на клубот во чие друштво се наоѓал, двајца новинари членови на прес-тимот “.
Како што се наведува, сите во нападот биле претепани од бројни маскирани хулигани и во таа прилика се здобиле со тешки повреди.
„Како клуб бараме итна реакција од надлежните органи, пред се од хрватската полиција и безбедносни служби, како и приведување на напаѓачите, бидејќи неверојатно е дека лицата кои пристигнаа во Задар како дел од делегацијата на нашиот клуб , кои немаа знаци од нашиот клуб на себе, се напаѓани, ниту пак испровоцираа некого на кој било начин“, се наведува во соопштението на КК Црвена звезда Меридијанбет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ и Ирвинг за брејк на Далас против Минесота
Далас Маверикс ја совлада Минесота Тимбервулвс со 108:105 во првиот натпревар од финалето на Западната конференција.
Лука Дончиќ блескаше во „Таргет центарот“ и со 15 поени во четвртата четвртина беше најзаслужен за победата на тимот.
Дончиќ го заврши натпреварот со 33 поени, шест скока и осум асистенции, а имаше и три украдени топки, една блокада и четири загубени топки.
Го следеше одличниот Кајри Ирвинг со 30 поени, пет скока и четири асистенции. Ирвинг 24 поени постигна во првото полувреме.
Кај поразениот тим МекДаниелс постигна 24 поени, Едвардс 19 (6-16), Таунс 16, а Рид 15.
Следниот натпревар се игра ноќта меѓу петок и сабота од 02:30 часот.
Спорт
Депај спогодбено ќе се раздели со Атлетико
Репрезентативецот на Холандија Мемфис Депај по завршувањето на сезоната ќе го напушти Атлетико Мадрид. Шпанците тврдат дека тој се договорил со клубот за спогодбен раскин на договорот.
Депај во Атлетико дојде на сличен начин во јануари 2023 година, кога се раздели со Барселона.
Депај е убеден дека со добри настапи на Европското првенство ќе си ја крене цената и дека повторно ќе може да игра во голем клуб.
Тој постигна девет гола и додаде две асистенции на 31 натпревар оваа сезона, но поради честите повреди не беше прва опција во нападот на Диего Симеоне.
Спорт
Мерцедес нема намера да го ангажира Саинц
Карлос Саинц ќе го загуби своето место во Ферари во 2025 година бидејќи тимот од Маранело го ангажираше Луис Хамилтон. Шпанецот нема голем простор за маневар околу тоа каде ќа ја продолжи кариерата.
Медиумите шпекулираа дека токму тој ќе го замени Хамилтон во Мерцедес, но според последните информации овој тим нема намера да го ангажира Карлос Саинц.
„Скај спортс“, дознава дека Мерцедес не размислуваат да го доведат Шпанецот, не затоа што мислат дека е лош возач, туку затоа што не сакаат да избрзуваат со потпишувањето.
Имено, Крег Слејтер, новинар на „Скај спортс“, во Монте Карло дознал дека Мерцедес сака да види какви опции има со Макс Ферстапен. Доколку тоа е далеку од реализација, а лесно би можело да биде така, Мерцедес би го ангажирал младиот Италијанец Кими Антонели, кој во август ќе наполни 18 години.
Ред Бул исто така не е реална опција за Саинц.
„Скај спортс“, дознава дека Саинц е најблиску до потпис за Ауди, кој ќе влезе во Формула 1 во 2026 година. Тогаш Карлос би добил голема плата од новиот конструктор.