Генералниот менаџер на Формула 1, и поранешен технички директор на Ферари и Мерцедес, Рос Браун вели дека е импресиониран од асот на Ред бул, Макс Ферстапен по неговата победа на неделната трка во Силверстоун, споредувајќи го со седумкратниот шампион Михаел Шумахер.

Браун знае што зборува, бидејќи помогна да се изгради кариерата на Шумахер, дизајнирајќи му шампионски болиди со Бенетон и Ферари, а подоцна работеа заедно и во Мерцедес, на почетоците на тимот во 2010 година.

„Макс беше едноставно сензационален во Силверстоун. Ме потсетува на Михаел Шумахер на толку многу начини. Кога ќе го слушнете како разговара со тимот преку радиото ви станува јасно. Ограничувањето кое го има болидот не е ограничување за Макс Ферстапен. Тој успева да го почувствува болидот и да реагира како што е потребно. Се сеќавам дека на почетокот во Ф1 се гледаше неговата брзина, а сега тука е и зрелоста. Посебно ми се допадна кога кажа дека не сака да вози како баба кога побараа да ги менаџира гумите. Тоа покажува огромна самодоверба, но и одличен однос со тимот“, вели Браун.

„Лудиот“ Макс Ферстапен: Не можeв да возам како некоја баба

Двајца руски судии ќе одат на детектор на лаги откако беа оценети како „кловнови“ по скандалот со досудувањето на пенал при ремито на Спартак Москва со Сочи и по заканите на газдата на московскиот клуб со повлекување од лигата.

Сочи добија сомнителен пенал во 90. минута на „Откритие“ арената во Москва, кој Кристијан Нобоа го реализираше за 2:2 реми во првото коло од новата сезона во руската Премиер лига во неделата. Гостите претхдно, во првото полувреме постигнаа уште еден гол од пенал да се вратат откако губеа со 2:0 по само 10 минути.

Двата пенали беа досудени од судијата Василиј Казарцев со помош на ВАР системот, но вториот пенал беше посебно контроверзен, откако замената на Сочи, Анатолиј Немченко падна во дуел со францускиот дефанзивец Самуел Жиго.

пенальти pic.twitter.com/BaIufvkUTw

— Sir_alex (@alekser75) August 9, 2020

Фановите на Спартак, кои беа бесни по сомнителните судски одлуки на крајот на минатата сезона, беа бесни, а газдата Леонид Федун, еден од акционерите на гигантот „Лукоил“ се закани со повлекување од лигата. Федун подоцна беше разубеден од претсдателот на Руската фудбалска унија (РФУ), Александер Дјуков, но побара странски судии да работат со ВАР системот.

Судијата Казарцев веќе е суспендиран од РФУ, а заедно со ВАР помошникот Алексеј Есков, ќе бидат подложени на детектор на лаги во среда или четврток за да одговорат на прашања за мечот. Ова не е првпат во рускиот фудбал, судиите да бидат подложени на детектори на лаги.



Кајл Кузма постигна тројка на само 0.4 секунди пред крајот на мечот за да ги „крене“ Лос Анџелес лејкерс до 124:121 победа над Денвер нагетс во драматична завршница во Орландо со која се прекина низата од три порази за „езерџиите“.

Леброн Џејмс постигна 29 поени и имаше 12 аситенции, Ентони Дејвис заврши со 27 поени, а Кузма со фантастични 25 поени. Кај Нагетси осум кошаркари имаа двоцифрен број на поени – Пи Џеј Дозиер стигна до 18, Мајкл Портер Јуниор имаше 15 поени (со 3-од-3 за тројки), а Никола Јокиќ додаде 12.

Нагетси ги одмараа своите стартери во поголемиот дел од последната четвртина, и сега со поразот остануваат на меч и пол зад Лос Анџелес клиперс на второто место на Западот на два меча пред крајот. Двата тима се среќаваат во среда.

Шампионите Торонто без своите клучни играчи стигна до 114:106 победа над Милвоки бакс. Крис Бушер имаше 25 поени и 11 скока, Мет Томас додаде 22 поени, а Норман Пауел имаше 21 поени и осмум скока.

НБА

ЛА Лејкерс – Денвер 124:121

Торонто – Милвоки 114:106

Феникс – Оклахома Сити 128:101

Далас – Јута 122:114

Мајами – Индијана 114:92