Роберт Левандовски, во летниот преоден рок би можел да го напушти Баерн Минхен, тврди ЕСПН. За најдобриот играч во светот во 2020 година, сериозен интерес покажале Челси и Манчестер сити.

Договорот на Левендовски со Баерн истекува во јуни 2023 година. Баварците за напаѓачот барале обесштетување од 60 милиони евра.

33-годишниот напаѓач неколку пати изјавил дека кариерата ќе ја заврши во Баерн, меѓутоа би мошел да се премисли доколку добир добра финансиска понуда.

Манчестер сити се во потрага по напаѓач кој би дошол на местото на Серхио Агуеро, додека Челси се во потрага по класичен напаѓач.

Левандовски оваа сезона има постигнато 36 голови во Бундес лигата.

Фудбалерите на Челси, во наредниот период ќе одиграа две финалиња. „Сините“ на 15.мај ќе се борат со Лестер за трофејот во Фа купот, а два недели подоцна во Истанбул, против Манчестер сити ќе борат за најпосакуваниот трофеј во клупскиот фудбал.

Доколку фудбалерите на Челси победат во двата натпревари, тогаш ќе поделат бонус од 11 милиони фунти. Играчите на Томас Тухел, веќе си обезбедија бонус од пет милиони со победата над Реал, во полу-финалето во Лигата на шампионите. Дополнителни пет милиони фунти ќе добијат доколку победат во финалето, а уште еден милион им следува доколку го освојат трофејот во ФА купот.

Според клупскиот правилник, сите фудбалери ќе добијат еднаква сума.

Градоначалникот на Скопје, Петре Шилегов, уште еднаш нагласи дека градот нема да го преземе фудбалскиот клуб Вардар, се додека не биде подмирен долгот, што го има клубот.

Најтрофејниот македонски клуб се наоѓа во тешка финансиска ситуација, која се рефлектира и врз она што се случува на теренот. Вардар се наоѓа пред испаѓање во втората лига.

„Вардар е приватен клуб. Некој одлучил да го продаде, а не нашол механизам како да се покријат трошоците. Јас не можам да го земам клубот со долг од 3,5 милиони евра“, изјави за „Сител“ скопскиот градоначалник Шилегов.

Според него приказната со потенцијалниот инвеститор од Катар се уште не е завршена.

„Инвестицијата од Катар не е затворено прашање. Се додека не добиеме гаранција за враќање на средствата, повторувам дека нема да го земеме“, посочи „таткото на градот“.