Спорт
ЕСПН: Само Мајами Хит покажа интерес за Лилард
Ситуацијата со бекот на Портланд Демијан Лилард се уште е „статус кво“. Најдобриот кошаркар на Портланд пред два месеци побара трејд. Портланд не брза премногу да го испрати Лилард во друга екипа. Она што треба да се истакне е дека во моментов нема многу франшизи кои можат да влезат во преговори за Лилард.
Всушност постои само едена франшиза, а тоа е Мајами. Хит беа спомнати како дестинација на Лилард уште пред два месеци, а очигледно ниту една од 28. франшизи нема намера да испрати понуди до Трејл Блејзерс.
ЕСПН, пишува дека нема индикации дека решението е на повидок, што значи дека најголема е веројатноста Лилард да остане во Портланд.
Сепак, американската телевизија направи проекција како би можел да изгледа евентуалниот трејд на релација Мајами-Портланд.
Добро информираниот новинар Боби Маркс вели дека е можна размена во која Јусуф Нуркиќ ќе замине со Лилард во Мајами, додека Тајлер Хироу, Кајл Лаури, Хаиме Хакес и Никола Јовиќ би се преселиле во Орегон. Покрај тоа, Портланд би добил и неколку пикови од Мајами.
Со оглед на тоа дека Лилард има огромен договор и дека има 32 години, тимот што сака да го земе треба да излезе со примамлива понуда за Трејл Блејзерс како и да биде претендент за титула.
Портланд, од друга страна, би добил млади играчи и доколку франшизата реши да изгради тим за следните неколку сезони, тогаш би можеле да се согласат на вакво нешто. Хироу би се вклопил со Скот Хендерсон и Шејдон Шарп, додека доаѓањето на Хакес и Јовиќ би било важно за засилување на тимот на високите позиции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сити ќе потроши 70 милиони евра за Португалец од Вулверхемптон
Пеп Гвардиола четврти пат по ред, односно петти пат во последните шест години со Манчестер сити стана шампион на Англија. Неколку дена по освојувањето на титулата, клубот ги започна плановите за летниот преоден рок. секако, Сити ќе има речиси неограничен буџет за да му ги исполни желбите на Гвардиола.
До крајот на оваа сезона Манчестер сити ќе го одигра уште финалето на ФА Купот против градскиот ривал Манчестер јунајтед на Вембли, на 25 ,мај.
Но, раководството на клубот заедно со Гвардиола веќе размислува за потенцијалнуе засилувања. Еден од главните кандидати, според британските медиуми, е напаѓачот на Вулверхемптон, 24-годишниот Педро Нето. Во тековната сезона на 20 натпревари постигна девет гола.
„Волците“ минатото лето му го продадоа Матеуш Нунес на Сити за 62 милиони евра. Како што сега стојат работите, Нето ќе гтргне по стапките на Нунес.
Негивот трансфер ќе биде нов клупски рекорд. Вулверхемптон за него бара 70 милиони евра. Интерес за Португалецот покажа и Њукасл, но прашање е дали „страчките“ можат да им парираат на „граѓаните“ и дали фудбалерот има желба да се пресели во Њукасл.
Непосредно пред да дојде на островот играше во Серија А, беше член на Лацио, но таму не се прослави. Преселбата во Вулверхемптон беше фантастичен потег за неговата кариера.
Доаѓањето на Нето веројатно би значело и заминување на еден од играчите од средниот ред, можно е тоа да биде Бернардо Силва или Џек Грилиш, додека допрва клубот ќе објави каков е статусот на Кевин Де Брујне.
Спорт
Флик го одбил Челси, чекал понуда од Барселона
Германскиот стручњак Ханси Флик ја одбил понудата да го преземе Челзи. „Мундо Депортиво“ тврди дека Флика ќе чека понуда од барселона.
Челзи, вчера му врачи отказ на Покетино. Наводно, прв пик на клупските челници бил Флик.
Германецот е без ангажман, а своевремено ги тренираше Хофенхајм, Баерн и германската репрезентација.
„Мундо депортиво“ пренесува дека Флик ја следи ситуацијата во Барселона по несугласувањата на релација Џоан Лапорта-Чави Ернандез.
Лапорта во понеделник треба да одржи состанок со Чави на кој ќе се одлучи кој ќе ја води Барселона следната сезона.
Шпанските медиуми тврдат дека доколку Чави добие отказ, Флик најверојатно ќе биде нов тренер на каталонскиот клуб.
Спорт
Силвињо доби албанско државјанство
Бразилецот Силвињо доби албанско државјанство, во знак на благодарност што со националниот тим избори на Европското првенство.
Покрај Силвињо, албанско државјанство добија и неговите помошници Италијанците Лука Лауренти и Џанлука Стесина и Аргентинецот Пабло Забалета.
Церемонијата за добивање државјанство се одржа во Лушње, град на 80 километри од главниот град Тирана.
Албанија на Европското првенство ќе игра во групата Б заедно со Италија, Хрватска и Шпанија.
Договорот на Силвињо со Албанија истекува на крајот на Европското првенство, но челниците на националниот сојуз изразија желба да ја продолжат соработката со бразилскиот селектор.