Репрезентативен фудбал освен на ЕУРО 2020, овие денови се игра и во Азија каде се во тек квалификациите за СП во Катар 2022 година.

Јужна Кореја со 2-1 славеше против Либан, а голот за победа го постигна ѕвездата на Тотенхем, Хеунг-мин Сон од пенал во 66 минута.

Крилниот напаѓач по реализацијата истрча до најблиската камера и со прстите го покажа бројот 23 со повик: „Кристијан Ериксен, те сакам“.

2️⃣3️⃣ Son Heung-Min dedicates his goal to former #THFC teammate Christian Eriksen.

❤️ “I love you.”

pic.twitter.com/gmC2AOcafa

— Jason (Hanshin) Lee (@Jasons_JaysHub) June 13, 2021

Данскиот фудбалер синоќа колабираше, изгуби свест во 43 минута од мечот против Финска во Копенхаген. Ериксен 7 години беше дел од Спарси пред да направи трансфер во Интер.

Најновите информации се дека неговата состојба е стабилна.

Слична посвета Ериксен доби и синоќа од Русија, каде Ромелу Лукаку, неговиот колега од Интер погоди во мрежата на „Зборнаја“.

Пред денешното деби на Македонија на Европското првенство, на натпреварот во Букурешт против Австрија, селекторот Игор Ангеловски на Инстаграм сподели статус посветен на своите фудбалери, но и на македонскиот народ.

„Овие херои се изборија за почитта на секој граѓанин на Македонија денес да се чувствува гордо. Денес цел свет ќе застене во чест на македонската химна. Вие сте моите херои и оваа бајка ќе ја паметам до крајот на мојот живот. Благодарам на целиот наш народ без разлика на вера и нација за поддршката. Дечки, Ви благодарам и Ве сакам, одиме по историја“ – напиша популарниот „Мрме“ на Инстаграм профилот.

Данскиот фудбалер Кристијан Ериксен вчера го занеме фудбалскиот свет откако едноставно падна на теренот за време на натпреварот на неговата селекција против Финска во рамки на ЕП. Причина за тоа е застој на срцето на 29-годишниот фудбалер на Интер.

Еден од најпознати спортски кардиолози во Англија, Санџај Шарма рече дека голем знак прашалник е дали данскиот фудбалер воопшто ќе продолжи со фудбалот. Шарма работел со Ериксен додека Данецот играше за лондонски Тотенхем.

„Ова момче имаше нормални тестови до 2019 година. Сето тоа ја потресе целата нација. Добра вест е што и понатаму е жив, лошата вест е дека оди кон крај на кариера. Дали ќе игра уште фудбал професионално? Не можам да кажам. Во Англија не би можел да игра. Многу сме строги околу тоа“ – рече Шарма.

Докторот смета дека најверојатно станува збор за недефинирана здравствена состојба или, пак, за висока температура.

„Фактот дека е стабилен и буден е одличен. Не знам дали некогаш ќе заигра фудбал. Иако ова е премногу отворено – тој умре на теренот. Иако само на неколку минути, тој умре, па дали лекарите ќе му дозволат да умре повторно? Одговорот е не“ – вели д-р Шарма.