Тајрел Робинсон, поранешниот фудбалер на Арсенал, доби отказ од третолигашот Бредфорд сити, откако полицијата го обвини за педофилија за инцидент кој се случил во авуст 2018 година.

22-годишното Робинсон е обвинет за сексуална активност со дете и за дистрибуирање на детска порнографија.

„Робинсон е ослободен од остатокот од договорот. Клубот нема да дава дополнителни коментари за случајот“, објавија од Бредфорд.

Робинсон беше дел од младинската академија на Арсенал пред да стане професионалец во јануари 2015 година, и да биде ослободен од договорот во 2017 година. Тој потоа беше на проба во Вотфорд, но клубот не му понуди договор, пред во мај 2017 година да замине во Бредфорд. Во првата сезона тој беше проглесен за најдобар млад фудбалер на тимот, но нема играно од август 2018 година кога почна истрагата за педофилијата.

📜 CLUB STATEMENT | We have parted company with Tyrell Robinson.

➡️ | Read further details here: https://t.co/KfvKevyW6L#BCAFC | #CityForAll pic.twitter.com/rGoHIUgymB

— Bradford City AFC (@officialbantams) February 24, 2020

Светскиот број 1, Новак Ѓоковиќ го продолжи својот победнички старт на 2020, победувајќи во 14-тиот меч оваа година, откако со 6:1/6:2 за точно еден час го совлада Тунижанецот Малек Џазири во првиот меч на Дубаи шампионатот, каде што ја брка својата петта титула.

Србинот немаше воопшто проблеми против Џазири за да обезбеди дуел со германскиот ветеран Филип Колшрајбер за место во четврт-финалето, и неговите 14 победи се трет најдобар старт на сезоната, откако во 2011 година имаше неверојатни 41 победи на стартот на годината.

„Зошто сум толку успешен оваа година? Можеби бидејќи работам најмногу. Се шегувам, сите работат и тренираат напорно, за мене лично најважно е да работам умно. Да сфатам која рутина ми одговара и да бидам во најдобра форма во клучните моменти. Во овој дел од кариерата, гренд слем турнирите се најважни, но кога играм, играм за победа“, вели Ѓоковиќ.

Иако повеќе извори тврдат дека новитетот на Мерцедес, подвижниот волан, или официјално ДАС систем (dual-axis steering), нема да има огромно влијание на перформансите како двојниот дифузер од минатото, ривалите секако се фатени неподготвени од ова достигнување на шампионите.

Дилемата сега е дали да се потрошат ресурси за развивање на сопствена верзија на ДАС, иако ФИА потврди дека од 2021 година ваков систем ќе биде нелегален, а се верува дека е можен и протест на тимовите веќе на првата трка во Мелбурн.

Ферари, кои лани беа на мета на техничките директиви на ФИА околу нивниот мотор, сега велат дека тие ќе бараат објаснување од федерацијата.

„Уште не сме разговарале со ФИА за тоа, но секако, ќе побараме објаснување.Важно е да разбереме што е дозволено, а што не, но нема да се противиме на ФИА на нивната одлука. Знаеме многу малку за системот во моментов. Очекуваме ФИА да биде позаинтересирана. Доколку развиваме таков систем, тој ќе биде подготвен во средината на сезоната“, вели Матија Биното, шефот на Ферари.

Воланот на Мерцедес ќе биде забранет, но само од 2021 година!