Спорт
Фавр: Буџетот за засилувања на Баерн е за 150 милиони поголем од нашиот

Тренерот на Борусија Дортмунд Лусиен Фавр рекол дека клубот мора да си постави реални цели со оглед на моќта која ја има големиот ривал Баерн Минхен.
Баерн со години доминира во Бундеслигата, пред две недели тие ја освоија седмата последовна титула во домашниот шампионат, вкупно 30 во клупската историја.
Борусија Дортмунд последен пат биле шампиони со Јирген Клоп, во 2012 година. Во последните две сезони „милионерите“ првенствената трка ја завршуваа зад Баерн.
„Ќе продолжиме да си поставуваме високи цели, но во исто време тие треба да бидат реални. Не сакам да посочувам на фактот дека Баерн за засилувања има буџет кој е за 150 милиони евра поголем од нашиот. Не смееме да замижеме пред овој податок“, рекол Фавр за „Билд“ и проговорил за штотуку завршената сезона.
„Бевме блиску до титулата. Сепак не смееме да заборавиме дека вториот дел од сезоната што го одигра Баерн е најдобар во нивната историја. Во исто време можевме да видиме екстремен напредок кај Лајпциг, Менхенгладбах и Баер Леверкузен. Не ни беше загарантирано второто место.“
Лусиен Фавр и во наредната година ќе остане тренер на „милионерите“, неговиот договор истекува во јуни 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Атлетико Мадрид ќе добие нов сопственик?

Шпанскиот фудбалски клуб Атлетико Мадрид би можел да добие нови сопственици, тврдат шпанските медиуми. „Експансион“, беше првиот што објави дека сопствениците на Атлетико Мадрид се во финални преговори со американскиот инвестициски фонд „Аполо Глобал Менаџмент“, кој треба да стане нов мнозински акционер на клубот. „Аполо“ ја проценува вредноста на клубот на 2,5 милијарди евра.
Моменталниот мнозински акционер на клубот е „Атлетико Холдко“, компанија која поседува повеќе од 70 проценти од акциите.
Компанијата е првенствено управувана од Мигел Анхел Хил, а другите акционери се американската приватна инвестициска компанија „Арес Менаџмент“ и Енрике Серезо, претседателот на Атлетико. Останатите акции на клубот се во сопственост на „Квантум Пацифик“, британска компанија основана од израелскиот тајкун Идан Офер.
„Аполо“, котира на њујоршката берза, управува со средства вредни повеќе од 800 милијарди долари и планира да лансира спортски инвестициски фонд вреден 5 милијарди долари, објави „Фајненшл тајмс“. Се наведува дека „Аполо“ не разгледува промени во раководството на клубот.
Шпанските гиганти Реал Мадрид и Барселона се во сопственост на навивачи, без приватна сопственост, па затоа Атлетико Мадрид треба да стане највредниот приватен клуб во Шпанија.
Спорт
Кантона: Време е УЕФА и ФИФА да го суспендираат Израел

Легендарниот француски фудбалер, Ерик Кантона смета дека ФИФА и УЕФА треба да ги елиминира израелските клубови од сите натпреварувања.
Причината, секако, е геноцидот извршен од израелската држава во Појасот Газа.
Се проценува дека 66.000 луѓе, вклучувајќи деца, се убиени во нападите на израелската армија од 2023 година.
Кантона присуствуваше на концертот „Заедно за Палестина“ што се одржа во Лондон, од каде што испрати јасна порака до лидерите на двете големи фудбалски организации. На споменатиот настан настапија музички ѕвезди како Дејмон Албарн и Бастил, а се појавија и филмски ѕвезди како Бенедикт Камбербач.
„Играв за Франција и Манчестер јунајтед. Знам дека меѓународниот фудбал е повеќе од само спорт, тоа е култура, тоа е политика, тоа е моќ“, рече Французинот, а потоа додаде:
„Со начинот на кој земјата се претставува на глобалната сцена, дојде време да му се одземе таа привилегија на Израел. Четири дена откако Русија ја започна војната во Украина, ФИФА и УЕФА ја суспендираа Русија. Сега поминаа 716 дена од она што Амнести Интернешнл го нарече геноцид – а на Израел сè уште му е дозволено да се натпреварува“, истакна легендарниот Французин.
Фото/ Принтскрин
Спорт
За банер „УЕФА мафија“ казна 10.000 евра

Фудбалскиот клуб Кристал Палас е казнет со 10.000 евра за транспарентот што нивните навивачи го истакнаа против Фредрикштад во плејофот на Конференциската лига.
Навивачите на на клубот од „Селхрст Парк“, се лути на УЕФА, откако не им беше дозволено да играат во Лига Европа, што фер го заработија со своите настапи на теренот минатата сезона.
Причината е што тие имаат иста сопственичка структура со Олимпик Лион и двата клуба не можат да бидат во исто натпреварување иако има таков пример, клубовите на Ред Бул групата, Сити и Џирона, минатата сезона играа во Лигата на шампионите.
Поради ова, навивачите на Палас сè повеќе протестираат против УЕФА, па затоа го истакнаа транспарентот „УЕФА мафија“ со симболот на еврото против Фредрикштад, а тоа го чинеше клубот 10.000 евра.
Фото/ Принтскрин