Спорт
Фетел му се извини на Ферстапен за судирот
Асот на Ферари, Себастијан Фетел му се извини на ривалот од Ред бул, Макс Ферстапен за судирот кој ги уништи шансите на Холанѓанецот за подиум на Британското ГП.
Четирикратниот светски шампион, кој своите титули ги освои со тимот на Ферстапен, Ред бул, ја прифати вината и казната од 10 секунди за удирање на болидот на Холанѓанецот одзади додека двајцата се бореа за третото место во 38. круг од Британското ГП.
„Тоа дефинитивно беше моја грешка. Секако, тој не беше среќен по трката, но животот продолжува. Му се извинив. Мислев дека внатрешната линија ќе се отвори, но не беше така. Ми изгледаше дека оди кон средината на патеката, но кога сфатив дека тука беше предоцна. Ја уништив мојата трка, но и неговата“, изјави Фетел, кој сега има неверојатно заостанување од 100 поени зад Луис Хамилтон по 10 трки.
Фетел влезе во боксот за ново крило и на крајот заврши на 16. место, додека Ферстапен беше петти. Ферстапен вели дека кај него нема вина.
„Како можете да очекувате да внимавам кога сум напред. Фрустрирачки“, изјави Ферстапен.
Seb straightly went to apologize to Max Verstappen after the race ?
? @FiftyBucksss #BritishGP ?? #Vettel #Seb5 #F1 pic.twitter.com/xgvXihog59
— Sebastian Vettel #5 (@sebvettelnews) July 14, 2019
(#F1 #BritishGP) Sebastian Vettel Crashes Into Max Verstappen pic.twitter.com/kkE5TXojKS
— Formula1 Videos (@518mc) July 14, 2019
Хамилтон до рекордна шеста британска победа, Фетел казнет за судирот со Ферстапен (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.