Мохамед Салах вели дека сака да остане во Ливерпул до крајот на неговата кариера, но посочува дека конечната одлука за тоа уште колку ќе игра за „црвените“ не е негова.

29-годишниот Египќанец, кој се наоѓа во фантастична форма на стартот на 2021/22, има договор со клубот од „Енфилд“ до летото 2023 и Ливерпул подолго се обидуваат да ги завршат преговорите за нов долгорочен договор. Шпекулациите во англиските медиуми велеа дека најголема пречка е барањето на огромна плата на Салах, но тој пред дербито со Манчестер јунајтед не сакаше да зборува за парите.

„Тоа не зависи од мене, но ако ме прашувате јас би сакал да останам до крајот на фудбалската кариера. Не можам да кажам многу за тоа, бидејќи не е во мои раце. Работите зависат од тоа што сака клубот, а не од мене. Во моментов не би можел да се замислам да играм против Ливерпул. Тешко е и тоа би бил лош момент. Ќе видиме што ќе се случи во иднина“, вели Салах за „Скај спортс“.

Пред „Ел класико“, Реал Мадрид објави интересно видео на своите социјални мрежи на кои Лука Модриќ, Давид Алаба и Лукас Васкез ги откриваат своите „ритуали“ и тајни за подготовка пред излегување на терен, а најинтересен беше одговорот на капитенот на хрватската репрезентација.

„Прво што правам пред излегување на терен е чекор со левата нога, а пред загревањето секогаш го тргам прстенот и ланчето. Исто така ги бакнувам штитниците на кои има фотографија на моето семејство. Тоа е во основа тоа. Кога гостуваме, сакам да го имам Ајпадот со мене и да гледам серии и да слушам музика на телефон. Каква музика? Подобро да не знаете“, вели Модриќ.

Дали со ова Модриќ сака да сокрие пред шпанската јавност за „зависноста“ од балканската фолк-музика?

Инаку за хрватската фудбалска легенда дербито со Барселона ќе биде неверојатен 400. меч во белиот дрес на „кралевите“ од Мадрид.

🎧📖 ¡¿Cómo se preparan @lukamodric10, @David_Alaba y @Lucasvazquez91 para #ElClásico!?
👀 ¡Aquí lo tienes! @NIVEAMEN_ES pic.twitter.com/llJzkzQ9WW

— Real Madrid C.F. (@realmadrid) October 22, 2021

Францускиот фудбал повторно ни носи беснеење на навивачите и проблеми на трибините откако лутите навивачи на Сент-Етјен го искажаа своето незадоволство од катастрофалниот почеток на сезоната со фрлање факли на теренот пред почетокот на мечот со Анжер палејќи ја мрежата на голот и предизвикувајќи мечот да биде прекинат пред да почне.

Сент-Етјен, клубот што има освоено рекордни 11 француски титули (ПСЖ е втор со 9 круни), има катастрофален почеток на сезоната со четири ремија и шест порази во првите 10 кола и се наоѓа на последното место на табелата. Навивачите подолго време бараат отказ за тренерот на клубот, Клод Пуел.

Le ras-le-bol du public stéphanois 💥🔥#ASSEASCO pic.twitter.com/3iDxsROBhq

— Envertetcontretous (@Site_Evect) October 22, 2021

🚨🇫🇷 Lío en Francia

⚠️📢 Se retrasa el inicio del Saint-Étienne-Angers tras el lanzamiento de bengalas al campo por parte de los aficionados locales pidiendo la dimisión del entrenador de su equipo, Claude Puel.

👉 vía @AndiOnrubia pic.twitter.com/7hMdBsgUtW

— Carrusel Deportivo (@carrusel) October 22, 2021