Спорт
Флорентино Перез: Потребна ни е Суперлигата, апсурден е новиот формат на ЛШ
Претседателот на Реал Мадрид и најмоќниот човек во шпанскиот фудбал Флорентино Перез, во својот говор, одржан на годишното Собрание на клубот, упати остри критики до УЕФА. Меѓу другото, рече дека новиот формат на Лигата на шампионите е апсурден и ќе ги отуѓи навивачите од фудбалот.
Првиот човек на Реал изјави дека европскиот фудбал е во голема криза и дека е потребно итно да се реагира за да не исчезне фудбалот каков што го знаеме.
Перез смета дека тој и неговиот клуб ќе бидат лидери на промените, во како што ја нарече, кризна ситуација.
„Реал Мадрид има одговорност за европскиот фудбал. На Реал ќе му беше многу полесно да не го водеше овој проект (Суперлига), кој не е популарен, но драги партнери, тоа го бара историјата од нас. Имаме обврска да им го понудиме на навивачите најдоброто можно шоу. Исто така, сакаме да го поевтиниме пристапот до фудбалот на телевизија, каде што се нуди денешниот сè полош спектакл. Нема смисла пристапот до гледање натпревари на ТВ да чини 10% од минималната плата. Суперлигата е создадена за да ги реши сите овие проблеми. Ќе продолжам да верувам во правдата на Европската унија бидејќи УЕФА нема право на монопол во фудбалот и европските слободи“, упати остра порака Перес и воедно најави борба до крај за Суперлигата на најсилните европски клубови.
Тој исто така го криткува новиот формат на Лигата на шампионите во кој од следната сезона наместо досегашните 32 ќе учествуваат 36 клуба.
„Новиот формат е необичен и апсурден проект. Ваквиот модел само дополнително ќе ги оддалечи фановите од фудбалот, особено најмладите. Новиот формат најмногу им одговара на оние чии извори на приходи зависат од него. Тоа е систем кој е во интересот на менаџерот и не ги земаа во предвид потребите на играчите и навивачите. Така ќе згасне европскиот фудбал, нема иновација, не се свесни за растот на другите спортови“.
Перес вели дека фудбалот како спорт ја доживува најголемата криза.
„Фудбалот трпи невидена институционална криза. Ситуацијата е многу сериозна. Или ќе реагираме сега или фудбалот нема да опстане. Најголемиот проблем е што има луѓе кои го водат фудбалот и не мислат на навивачите. Европскиот фудбал не му припаѓа на претседателот на УЕФА и шпанскиот фудбал не и припаѓа на Ла Лига. Супер лигата му е потребна на фудбалот сега повеќе од кога било. Целта е да се понуди најдобар фудбал и клубовите се тие кои треба да ја контролираат сопствената судбина. Клубовите секоја година губат милиони без разлика колку пари имаат нивните сопственици. Барам и воведување на нови прописи за фер-плеј, кои некои клубови не ги почитуваат и никој не ги казнува поради тоа. Ситуацијата не е стабилна, ниту може да биде. Не обвинуваат дека сакаме да го напуштиме националното првенство, тоа е голема лага“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Капитенот ќе ја напушти Црвенз звезда
Капитенот на Црвенз звезда, Александар Драговиќ, реши како слободен играч да го напушти клубот.
Австриецот со српско потекло, пред три години дојде во Црвена звезда, со клубот освои три дупли круни, а во последната сеозна беше капитен.
Драговиќ во Белград пристигна за да ја исполни желбата на својот дедо, инаку голем навивач на црвено-белите. Клубот го напушта од семејсни причини. Неговото семејство живее во Виена.
„Благодарност до Звезда за исклучителната понуда и за се што ми даде. Многу ми е тешко, но донесов одлука во договор со семејството да се вратам во Австрија“, изјави Драговиќ по состанокот со клупските челници и тренерот Владан Милојевиќ.
Драговиќ во кариерата играше во Австрија Виена, Базел, Динамо Киев, Баер Лверкузен и Лестер. За репрезентацијата на Австрија има одиграно 100 натпревари.
Спорт
Фернандеш фрустриран од лошата сезона, но не сака да го напушти Јунајтед
Капитенот на Манчестер јунајтед, Бруно Фернандеш, изрази желба да остане во клубот.
Португалецот очекува клубот да ги исполни неговите очекувања.
Фернандеш пристигна на „Олд Трафорд“ од Спортинг во 2020 година и постигна 79 гола на 232 натпревари.
„Обожавам да играм на теренот на Олд Трафорд повеќе од било што на светот. Не сакам да си одам. Ова отсекогаш бил мојот најголем сон“, изјави Фернандеш за „Фан трибјун“ и дополни.
„Сакам само моите очекувања да се совпаднат со очекувањата на клубот. Ако разговарате со некој фан, ќе ви го каже истото. Сакаме да се бориме за титулата. Сакаме да играме во Лигата на шампионите. Сакаме финалиња на купот. Тоа е стандард“, додаде Португалецот.
Јунајтед ќе има последна шанса барем малку да ја спаси сезоната во недела, кога ќе се соочи со градскиот ривал Сити во финалето на ФА Купот.
„Фрустрација. Зарем сите не го чувствуваме тоа? Тоа е единствениот збор за оваа сезона. Истото би ви го кажал секој навивач на Јунајтед”, рече Фернандеш.
Спорт
Уште една шлаканица за Ѓоковиќ, елиминиран од Махач во полуфиналето во Женева
Новак Ѓоковиќ уште еднаш ги разочара своите навивачи. Најдобриот светски тенисер испадна во полуфиналето на турнирот од серијата 250 во Женева. Јиржи Махач го порази Ѓоковиќ со 6:4, 0:6, 6:1. И покрај та што не играше на многу турнири од почетокот на сезоната, нестварно звучи податокот дека Ѓоковиќ се уште играл финале во 2024 година.
Српскиот тенисер оваа сезона не игра на своето препознатливо ниво. Три полуфиналиња на Австралија опен, во Монте Карло и во Женева, не се резултатите на кои е навикнат Новак, кој во лоша форма ќе пристигне во Париз, каде во понеделник ќе започне вториот Грен слем сезонава, Ролан Гарос, а накој Ѓоковиќ ја брани титулата.
Чехот Јиржи Махач ја забележа најголемата победа во кариерата. Ги искористи сите грешки и подароци што му ги сервираше Ѓоковиќ.
Ѓоковиќ имаше комтни 4:1 во првиот сет кога влезе во „црна дупка“, Махач освои пет гема во низа и го освои првиот сет.
Во вториот се „појави“ вистонскиот Ѓоковиќ, го збриша противникот со 6:0, за во третиот повторно да падне во летаргија. Го освои првиот гем, а потоа Махач доби шест гема во низа и се пласира во финалето.