Интер одбиле уште една понуда од Челси за Ромелу Лукаку, објави „Скај Италија“.

Челси имаат намера да го вратат Белгиецот на „Стенфорд Бирџ“. Очајнички им е потребен напаѓач од светска класа, но барем засега Интер ги одбива сите понуди.

Последната била 100 милиони евра и Маркос Алонсо. Интер би се откажале од Лукаку само доколку напаѓачот побара трансфер.

Ромелу Лукаку беше играч на Челси од 2011 до 2014 година. Во тој период одигра само 15 натпревари. Потоа за 35 милиони евра се пресели во Евертон, а добрите игри во дресот на „карамелите“ му овозможија трансфер до 84,7 милиони евра во Манчетсер јунајтед.

Од 2019 година е играч на Интер.

Најдобриот играч на Тотенхем, Хари Кејн, штрајкува со надеж дека клубот ќе му дозволи траснфер. Кејн решил да ја искористи оваа најнепопуларна метода, откако претходно од клубот рекоа дека не постои џентлменски договор на фудбалерот да му се овозможи трансфер.

Хари Кејн, во неделата се врати од одмор, а вчера не се појави во тренинг кампот на Тотенхем. Потврдата дека Кејн решил да го игнорира клубот, стигна денес. Напаѓачот повторно не се појавил во клускиот тренинг камп.

Претседателот Даниел Леви не сака да го продаде Кејн на ривал од Премиер лигата. Од друга страна фудбалерот сака да остане во Англија.

Минатата недела, англиските медиуми, објавија дека Тотенхем одбиле понуда од 100 милиони фунти која ја испратиле од Манчестер сити.

Меѓународниот олимписки комитет почна официјална истрага за наводите дека Белорусија се обидела да ја натера својата атлетичарка Кристина Циманускаја да се врати во земјата од Олимпијадата во Токио по јавното критикување на националните тренери.

„Мораме да ги утврдиме целосните факти, што може да потрае. Во меѓувреме, нашата главна грижа е спортистот“, објави портпаролот на МОК, Марк Адамс, пренесува Би-би-си.

Министерството за надворешни работи на Јапонија потврди дека Циманускаја добила хуманитарна виза од Полска и дека сега се наоѓа во Амбасадата на таа земја во Токио, а се очекува утре да ја напушти Јапонија.

МОК побара Белорускиот национален олимписки комитет да го достави својот извештај за инцидентот до крајот на денот, а Циманускаја рече дека била одведена на аеродром против своја волја по критикувањето на тренерите и изрази страв за својата безбедност.

Белорусија тврди дека Циманускаја била отстранета од тимот поради нејзината емоционална состојба.