Спорт
„Гардијан“: Погба од Јунајтед би можел да заврши во Сити
Пол Погба (29) летово ќе стане слободен играч и сигурно ќе го напушти Манчестер Јунајтед. Клубот не покажува интерес за продолжување на соработката, откако Погба ја одби првата и единствена понуда која му ја понудија од Јунајтед. ПСЖ досега најконкретно се поврзуваше со Погба, но островските медиуми, вклучително и „Гардијан“, синоќа пренесоа нова вест.
Манчестер Сити размислува за трансферот на Погба. Јасно Сити нема да платат оштета, а Погба ќе мора да се согласи на помала плата од онаа што ја имаше за Јунајтед.
Погба бил отворен за таква опција, имал желба да работи под водство на Пеп Гвардиола, пишува „Гардијан“, а во исто време, Гвардиола сметал дека Французинот би можел да игра малку подлабоко во средниот ред.
Сити бара засилување на таа позиција бидејќи летово ќе остане без капитенот Фернандињо.
Доколку се случи она што го најавуваат медиумите, тогаш тоа би бил контроверзен трансфер, сличен на оној на Карлос Тевез во 2009 година, кога од Јунајтед се пресели во Сити.
Погба во два наврати беше играч на Јунајтед – дојде како 16-годишник од Франција, но не доби шанса во првиот тим. Откако блескаше четири години во Јувентус, Јунајтед го врати во 2016 година за 105 милиони евра.
Според сите пишувања на островските медиуми во последните недели, во Сити треба да дојде Ерлинг Халанд, уште еден играч чиј менаџер беше неодамна починатиот Мино Раиола. Пол Погба би можел да ги следи неговите стапки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Луис Енрике би можел да го напушти ПСЖ
Шпанскиот тренер, Луис Енрике размислува да го напушти Пари Сен Жермен на крајот од тековната сезона, и покрај тоа што постигна историски успех со клубот. Според германски „Билд“, Енрике не планира да го продолжи договорот, кој истекува во јуни, бидејќи бара нови предизвици во кариерата.
Главната причина за неговото евентуално заминување лежи во желбата за нов професионален предизвик. Бидејќи ќе биде слободен тренер на крајот на јуни, Енрике би можел да стане исклучително привлечен кандидат за водечките светски репрезентации кои ќе бараат селектор за новиот циклус по Светското првенство.
Друга можна причина е малиот пад на формата на ПСЖ оваа сезона. Иако резултатите не се лоши, тие не се на нивото на доминација од минатата сезона. Парижаните моментално се втори во француското првенство, еден бод зад Ленс, додека се на третото место во Лигата на шампионите, зад Арсенал и Баерн Минхен.
Престојот на Енрике во француската престолнина досега е исклучително успешен. Во својата прва сезона, тој го освои домашното првенство, купот и суперкупот, но круната на неговата работа дојде во сезоната 2024/2025, кога му ја донесе на ПСЖ првата, историска и долгоочекувана титула во Лигата на шампионите. Со тој успех, тој стана еден од најпопуларните тренери во историјата на клубот.
Foto/ depositphotos
Спорт
Манчестер Сити го заврши трансферот на Семењо
Доцна синоќа пристигна потврдата за веројатно најголемиот трансфер во Премиер лигата оваа зима.
Она за што се шпекулираше во изминатите неколку недели, доби потврда, дека Антоан Семењо е новиот играч на Манчестер Сити.
Фабрицио Романо, најпознатиот трансфер инсајдер, објави дека сите документи меѓу клубовите и фудбалерот се потпишани. Семењо ќе потпише повеќегодишен договор откако ќе ги заврши лекарските прегледи во текот на утрешниот ден.
Репрезентативецот на Гана можеше да избера помеѓу четири тима. На почетокот, Челзи се повлече, а кога се чинеше дека ќе го избере Ливерпул, тој се реши за Манчестер, но не за Јунајтед туку за Сити.
Борнмут ќе заработи вкупно 75.000.000 евра од трансферот.
Оваа сезона, Семењо постигна девет гола, со три асистенции на 19 натпревари.
Foto/ depositphotos
Спорт
(Видео) Нотигнем Форест ја продолжија агонијата на Вест Хем
Фудбалерите на Нотингем Форест го победија Вест Хем како гости во натпреварот од 21-то коло од Премиер лигата. „Шумарите“ победија со резултат од 2:1.
Форест, прествртот го налрави со головите на играчот од средниот ред Николас Домингез во 55-тата минута и Морган Гибс-Вајт во 89-тата минута, откако Вест Хем поведе преку автогол на Муриљо во 13-тата минута.
„Шумарите“ по овој триумф останаа на 17-тото место на табелата, последно кое обезбедува опстанок, но сега имаат седум бодови повече од директниот конкурент, во борбата за опстанок, Вест Хем.
Foto/ depositphotos

