УЕФА го промени „балканското“ правило за клупските европски натпреварувања во 2020/21, со што веќе нема да биде забрането да се „паѓаат“ екипи од Србија со тие од Босна и Херцеговина и Хрватска.

УЕФА го воведе ова правило по хатичниот натпревар во Мостар во 2017, кога играа Зрињски и Партизан, по што европската куќа на фудбалот ги раздели овие противници. Бидејќи ќе се игра по само еден меч во квалификациите за Лигата на шампиони и Лига Европа и тоа без присуство на публика, укинувањето на правилото ќе биде „безболно“.

Сепак, УЕФА заддржа дел од „забраните“ – клубовите од Србија и БиХ нема да можат да се сретнат со клубови од Косово, клубовите од Ерменија нема да може да играат со тие од Азербејџан, и клубовите од Русија нема да може да играат со тие од Украина.

Македонскиот репрезентативец Филип Лазаров, кој настапува во германскиот клуб Ратингер, бил позитивен на коронавирусот по враќањето од Македонија во Германија, јавуваат германските медиуми.

Според весникот „Рајнишер спорт“, Лазаров имал позитивен тест по враќањето во Македонија откога се верува дека летал во авион каде што имало директен позитивен случај.

Весникот додава дека по објавувањето на позитивниот тест на Лазаров, биле тестирани сите ракометари на Ратингер, но дека ниту еден друг тест не бил позитивен.

Лионел Меси беше еден од многуте фудбалери кои се простија со Икер Касилјас, откако легендарниот шпански голман вчера ја потврди пензијата на 39 години.

Касилјас во кариерата освои 24 трофеи, од кои пет титули од Ла лига, четири од Лигата на шампионите, две Европски првенства и едно Светско првенство. Касилјас имаше срцев напад пред една година и си замина со уште еден трофеј со Порто, кога ја победија Бенфика во Португалскиот куп, а капитенот Данило Переира го качи на подиумот.

Меси, кој му даде многу голови во „Ел класико“, прати одлична порака до него.

„Икер се повлекува, но тој одамна влезе во историјата на фудбалот. Не само бидејќи беше репер во Ла лига, туку поради тоа што го направи на сите полиња. Ти си спектакуларен голман и некој кој беше многу тежок противник. Сепак, мислам дека се работеше за убаво ривалство и уживав секогаш кога игравме еден против друг“, вели Меси во изјава за „АС“.