Спорт
Ѓоковиќ го дозна својот противник за финалето на Завршниот Мастерс
Италијанскиот тенисер Јаник Синер е првиот финалист на Завршниот Мастерс и потенцијален ривал на Новак Ѓоковиќ кого веќе го победи.
Синер пред своја публика ќе го игра финалето на Завршниот Мастерс – во полуфиналето на престижниот турнир го победи Данил Медведев (6:3, 6:7, 6:1) и обезбеди меч за титулата, а неговиот ривал ќе го дознае во текот на вечерта. Второто полуфинале ќе го играат Карлос Алкараз и Новак Ѓоковиќ, кој веќе загуби од Синер на овој турнир!
Шанса за „одмазда“ ќе има в недела, доколку вечерва го совлада младиот Шпанец, но… Јаник Синер нема да биде аутсајдер на тој меч. Ќе има голема самодоверба поради четирите победи во Торино, има на што да се надева и поради фантастичната форма што ја прикажува, а на негова страна ќе биде публиката која цела недела го турка кон триумфи.
Така беше и против Данил Медведев, кога во три сета го реши прашањето на победникот и зеде уште еден голем скалп. Јаник од почетокот до крајот на мечот беше подобар ривал од рускиот тенисер, кој врза два последователни порази на Завршниот Мастерс – во третото коло од групната фаза беше поразен од Карлос Алкараз, а потоа во полуфиналето на Јаник Синер.
Еден брејк беше доволен за младиот Италијанец да поведе во првиот сет, а во вториот видовме поголема борбеност од страната на теренот каде што е Данил Медведев. Рускиот тенисер го доби тај-брејкот во тој дел од мечот, потоа беше подобар во него, но како да потроши премногу енергија за враќање во мечот. Веднаш по крајот на вториот сет побара медицински тајм-аут, а во третиот практично немаше шанси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Скариоло го продолжи договорот со Шпанија
Италијанскиот стручњак Серхио Скариоло го продолжи договорот со Кошаркарскиот сојуз на Шпанија. Ќе остане на функцијата селектор до 2028 година.
Скариоло е селектор на Шпанија од 2009 година, со двегодишна пауза од 2013 до 2015 година.
Со репрезентацијата на Шпанија, Скариоло ја освои титулата светски шампион (2019) и четири пати беше европски првак (2009, 2011, 2015 и 2022 година), од ОИ има сребро во 2012 година и бронза во 2016 година.
Кошаркарите на Шпанија се уште не се пласирале на Олимписките игри во Париз. Пласманот ќе се обидат да го обезбедат на квалификацискиот турнир кој од 2 до 7 јули ќе се игра во Валенсија.
Спорт
(Видео) Мазрауи не е во офсајд, Баерн е оштетен
Телвизијата „BeIN“, понуди доказ дека баерн Минхен синоќа е оштетен во полуфиналниот реванш против Реал во Мадрид.
Спорна е ситуацијата во 13.минута од судиското надополнување на времето, кога помошникот на главниот судија, Марчињак, го крена знаменцето поради офсајд. Марчињак се огласи со свиреж и ја прекина акцијата на Баерн во моментот кога Д елихт постигна гол.
„Погрешно е одлукатс да се поништи голот на баерн. Де Лихт е во офсајд, но не учествува во акцијата. Топката доаѓа до Мазрауи кој се враќа назад, Милер ја зема и му додава на Де Лихт кој беше во регуларна позиција. Се огласи Марчињак, порад што ВАР не можеше да се активира“, изјави судискиот експрет на „Марка“, Павел Фернандеш.
Со оваа констатација се согласива и пензионираниот шпански судија Матеу Лахоз.
Телевизијата „BeIN“, ги повлече линиите и покажа дека Мазрауи не бил во недозволена позиција и дека судијата дефинитивно погрешил.
🚨🎥| Here's the video from beIN Sports explaining that Noussair Mazraoui was onside. pic.twitter.com/EDsWukwuRx https://t.co/yfJNV3IsqV
— CentreGoals. (@centregoals) May 9, 2024
Спорт
Ноер: Секој што играл фудбал знае како се чувствувам
Голманот и капитен на Баерн, Мануел Ноер во секунда од херој се претвори во трагичар на својот тим. Баерн синоќа доживеа пораз од Реал. Ноер буквално му го подари израмнивачкиот гол на Реал во 88.минута. Три минути подоцна Хоселу со вториот гол ги елиминираше Баварците.
„Секој што некогаш играл фудбал знае како се чувствувам во моментов. Горчлив е вкусот кога ќе доживееше елиминација, а бевме толку блиску до финалето на ЛШ. Со една нога бевме на Вембли, но не успеавме“, изјави Ноер.
Реал на 1 јуни ќе игра против Борусија Дортмунд во финалето на Лигата на шампионите на Вембли.