Спорт
Гол шоу на Рома во Болоња, победи за Аталанта и Наполи

Болоња и Рома одиграа едно неверојатно полувреме со шест гола, за на крај „волчицата“ да слави со високи 1:5 на „Бентегоди“, Аталанта продолжи со победите со 3:0 триумф над очајната Фиорентина, додека Наполи се намачи, но славеше со 2:1 над Сампдорија.
„Волчицата“ имаше неверојатен старт на гостувањето кај Болоња – прво Поли во 5-тата минута си постигна автогол, Един Џеко во 10-тата минута зголеми на 0:2, а само пет минути подоцна Лоренцо Пелегрини зголеми на 0:3. Брајан Кристанте си постигна автогол во 24. минута, но Рома ги осигура трите поени и искачување на петтото место на табелата со головите на Верету (35.) и Мхитарјан (44.).
Аталанта ја прекина низата од три меча без победа во Италија со 3:0 победа над Фиорентина со головите на Госенс, Малиновскиј и Толои. Наполи на „Диего Армандо Марадона“ губеше со 0:1 од Сампдорија со голот на Јакуб Јанкто во 20. минута, но Ирвинг Лозано (53.) и Андреа Петања (68.) обезбедија три поени и искачување на третото место на табелата со 23 поени, три помалку од Милан.
СЕРИЈА А, 11.КОЛО
Аталанта – Фиорентина 3:0
Болоња – Рома 1:5
Наполи – Сампдорија 2:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.