Спорт
ГРУПА Б: Последна шанса за „златната генерација“ на „црвените ѓаволи“
БЕЛГИЈА
Кој би се обложил на Белгија? Многумина, ако се погледне неверојатниот индивидуален талент на белгиските фудбалери, кои се клучни во своите тимови во најсилните европски клубови. Таканаречената „златна генерација“ успеа да стигне до бронза на СП во Русија пред три години, но дали ова е годината за голем успех?
Тимот на Роберто Мартинез долго време функционира совршено, со 40:3 гол-разлика и 10 победи во 10 меча во квалификациите. Неговиот 3-4-3 систем е добро истестиран, а најголема мака му претставува подготвеноста на Кевин де Брујне и Еден Азар.
Голмани: Куртоа (Реал Мадрид), Мињоле (Бриж), Селц (Стразбур)
Одбрана: Алдервајрелд (Тотенхем), Бојата (Херта), Денаер (Лион), Вермален (Кобе), Вертонген (Бенфика).
Среден ред: Кастањ (Лестер), Шадли (Башакшехир), Караско (Атлетико М), Де Брујне (Манчестер сити), Дендокер (Вулверхемптон), Т.Азар (Дортмунд), Муние (Дортмунд), Прет (Лестер), Тилеманс (Лестер), Ванакен (Бриж), Вицел (Дортмунд)
Напад: Батшуаи (Кристал палас), Бентеке (Кристал палас), Доку (Рен), Е.Азар (Реал Мадрид), Лукаку (Интер), Мертенс (Наполи), Тросар (Брајтон)
ДАНСКА
Данците пред шампионатот влегуваат со огромна самодоверба, откако во првите три меча во квалификациите за СП имаа 14:0 скор и победи над Израел, Молдавија и Австрија, но големото натпреварување ќе биде вистински тест.
Каспер Шмајхел има силна одбрана пред него со Андреас Кристенсен, додека во нападот и средниот ред ги имаат Пјер-Емил Хојбјерг и Кристијан Ериксен. Пласман во втората рунда би бил сметан како успех.
Голмани: Шмајхел (Лестер), Лесл (Митјиланд), Ронов (Шалке)
Одбрана: Ј.Ларсен (Удинезе), Кјер (Милан), Кристенсен (Челси), Андерсен (Фулам), Вас (Валенсија), Јоргенсен (Копенхаген), Меле (Аталанта), Вестергард (Саутемптон), Боилесен (Копенхаген)
Среден ред: М.Јенсен (Брентфорд), Норгард (Брентфорд), Хојбјерг (Тотенхем), Дилејни (Дортмунд), Кристијансен (Малме), Ериксен (Интер), Дамсгард (Сампдорија), Сков (Хофенхајм)
Напад: Брејтвајт (Барселона), Корнелиус (Парма), Сков Олсен (Болоња), Поулсен (Лајпциг), Долберг (Ница), Винд (Копенхаген)
РУСИЈА
По одличниот успех и пласманот во четврт-финалето на Светското првенство пред три години, Русија овојпат би била задоволна само со влез во втората рунда. Селекторот Станислав Черчесов се обиде да го обнови тимот, со пензионирањето на Игор Афинеев и Сергеј Игнашевич, но останува впечатокот дека одбраната, со Игор Дивеев и Роман Евегениев е главниот проблем.
Сепак, мечевите на домашен терен и секогаш непредвидливата руска мотивација, значи дека е тешко да се прогнозира пласманот.
Голмани: Дјупин (Рубин), Сафонов (Краснодар), Шунин (Динамо Москва)
Одбрана: Џикија (Спартак Москва), Дивеев (ЦСКА Москва), Жирков (Зенит), Караваев (Зенит), Кудрјашов (Анталија), Семенов (Ахмат), Марио Фернандеш (ЦСКА Москва)
Среден ред: Баринов (Локомотив Москва), Жемалтединов (Локомотив Москва), Мухин (ЦСКА Москва), Головин (Монако), Фомин (Динамо Москва), Зобнин (Спартак Москва), Јонов (Краснодар), Кузјаев (Зенит), Мостовој (Зенит), Оздоев (Зенит), Макаров (Рубин), Миранчук (Аталанта), Черишев (Валенсија)
Напад: Ѕјуба (Зенит), Заболотниј (ЦСКА Москва), Соболев (Спартак Москва)
ФИНСКА
Заедно со македонската репрезентација, единствен дебитант на ЕУРО 2020, Финците првпат играат на големо натпреварување, неверојатен успех ако се смета дека во квалификациите за ЕП во 2016 не успеаја да стигнат ниту една победа.
По година во која имаа 2 ремија и 9 порази, тие го поставија поранешниот учител, 57-годишниот Марку Каневра, и сега се меѓу европската елита. Секој поен, секако, ќе биде историски успех за Финците, исто како и за македонската репрезентација.
Голмани: Храдецки (Леверкузен), Јоронен (Бреша), Јакола (Бристол)
Одбрана: Арајури (Пафос), О’Шонеси (ХЈК), Тоивио (Хакен), Л.Ваисанен (Елфсборг), С.Ваисанен (Киево), Иванов (Варта), Уронен (Генк), Алхо (МТК), Раитала (Минесота Јунајтед), Соири (Есбјерг)
Среден ред: Камара (Ренџерс), Тејлор (Бран), Лод (Минесота Јунајтед), Кауко (Есбјерг), Валакари (Пафос), Шулер (Ѓургарден), Лам (Цволе), Спарв (Лариса), Јенсен (Аугзбург), Лапалаинен (Монтреал)
Напад: Похјанпало (Унион Берлин), Форс (Брентфорд), Пуки (Норич)
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1685-26542”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Голчиште на Собослај, а потоа победа на Сити во дербито
Манчестер Сити го доби Ливерпул на „Ефилд“ во 25.коло во Премиер лигата, со 2:1 и остана во трката за шампионската титула.
Сè што беше важно се случи во последните 20 минути од натпреварот. Ливерпул поведе во 74-та минута, но со голови во 84-та и 93-та минута, Сити направи пресврт и запиша три важни бода.
Доминик Собослај постигна гол за водство на Ливерпул со моќен погодок од слободен удар со помош на стативата. Сити израмни по само десет минути, кога Бернардо Силва натрча на топката која ја доби од Ерлинг Халанд.
Во судиското продолжение, Сити победи откако Алисон направи пенал, а Халанд го реализираше.
Рајан Шерки исто така постигна гол во 100-та минута, но тој гол беше поништен поради претходен прекршок на Доминик Собослај, кој доби црвен картон.
Foto/ EPA
Спорт
Трамп го критикуваше американскиот скијач: „Срамота е што ја претставува Америка“
Американскиот претседател Доналд Трамп го критикуваше американскиот олимписки скијач Хантер Хес, неколку дена откако спортистот изрази измешани чувства во врска со претставувањето на САД на Зимските олимписки игри во северна Италија, пишува „Ројтерс“.
„Ако е така, ни немал потреба да се обиде да се квалификува за репрезентацијата и срамота е што е дел од неа“, напиша Трамп на својата социјална мрежа Truth Social, осврнувајќи се на коментарите на Хес. „Многу е тешко да се навива за некој таков.“
Зимските олимписки игри беа одбележани и со политички тензии, меѓу другото и поради присуството на службеници на американската Служба за имиграција и царина (ICE). Оваа агенција се соочи со масовни протести низ САД откако нејзини агенти минатиот месец во Минеаполис застрелаа и усмртија две лица.
Хес, скијач во слободен стил, изјави на прес-конференција во Милано во петокот дека му е „малку тешко“ да ја претставува Америка и дека има измешани чувства.
„Очигледно се случуваат многу нешта со кои не се согласувам, а верувам дека и многу други не се согласуваат“, рече тој.
„Тоа што ја носам знамето не значи дека претставувам сè што се случува во САД.“
Неговиот колега од репрезентацијата, Крис Лилис, на истата прес-конференција исто така истапи против дејствувањето на Службата, велејќи дека поради тоа му е „скршено срцето“.
„Мислам дека како земја треба да се фокусираме на почитување на правата на сите луѓе и да се погрижиме кон нашите граѓани, како и кон сите други, да се однесуваме со љубов и почит“, изјави Лилис.
„Се надевам дека луѓето, гледајќи ги спортистите на Олимписките игри, ќе сфатат дека тоа е Америка што ние се обидуваме да ја претставиме.“
Спорт
„Сѐ се случи за миг“ – сестрата на Линдзи Вон зборуваше за нејзината состојба по страшниот пад на Олимписките игри
Линдзи Вон моментално е на лекарски прегледи по тешкиот пад што ѝ се случи утрово, потврди нејзината сестра Карин Килдо во изјава за „Ен-Би-Си“. Таа рече дека сцената била застрашувачка и многу тешка за гледање.
„Тоа дефинитивно беше последното што сакавме да го видиме. Сѐ се случи многу брзо и во такви моменти само се надеваш дека е добро“, рече Килдо.
Таа додаде дека станало уште пострашно кога забележале дека изнесуваат носила.
„Тоа никогаш не е добар знак. Но, како што вели онаа изрека за човекот во арената – таа се осмели, даде сѐ од себе и одеше до крај. Тешко е да се гледа, но најважно е таа да биде добро“, изјави таа.
Сестрата на познатата американска скијачка потврди дека во моментов не знаат што следува: „Превезена е со хеликоптер од местото на несреќата. Со неа се сите нејзини лекари, хирурзи и физиотерапевти. Ќе не известат и ќе отидеме во болницата каде што ја прегледуваат. Засега знаеме само дека е на прегледи и се надеваме наскоро да добиеме повеќе информации.“
Главниот брзински тренер на американскиот скијачки тим, Пол Кристофик, изјави дека Линдзи Вон и понатаму е под медицинска проценка во Кортината, а тимот сѐ уште нема добиено никакво ажурирање за нејзината здравствена состојба.
„Сѐ уште не знаеме ништо конкретно“, изјави Кристофик. „Таа е со медицинскиот тим во болница. Во моментов се проценува во Кортината. А потоа, во зависност од сериозноста на повредата, ќе се донесе одлука каде ќе биде сместена.“
Почувствуван земјотрес во Тетово и околината
Телеметриската сеизмолошка мрежа на Република Северна Македонија одржувана од Сеизмолошката опсерваторија при Природно-математичкиот факултет во Скопје, вчера вечер во 23...
Војници во влага, на перници стари со децении, со прибор стар 20 години и руинирани тоалети – синдикатот алармира по појавата на шуга во велешката касарна
Независниот синдикат на професионални војници, реагира поради појавата на шуга кај новопримените професионални војници во касарната „Алексо Демниевски – Бауман“...
Српската полиција се огласи по киднапирањето на Даниел Кајмакоски: Се трага по двајца осомничени
Министерството за внатрешни работи на Србија соопшти дека полицијата трага по две лица осомничени за киднапирање на македонскиот пејач Даниел...
(Видео) Договорено покачување на платите за околу 11.000 административци до 2028 година
Околу 11.000 вработени во јавната администрација, судовите и обвинителствата ќе добијат покачување на платите од речиси 40 отсто до 2028...
Кајмакоски е дома; Рашиќ: „Смирено и храбро се соочил со киднаперите, но му треба мир“
Mиланка Рашиќ, која е задолжена за односи со јавноста за Даниел Кајмакоски, соопшти дека разговарала со него по ноќта помината...
ВМРО-ДПМНЕ реагира: Заев се јави во одбрана на својот криминал, тој е таткото на бизнисот со канабис
Олицетворението на криминалот, главата на октоподот во корупцијата и лидерот на СДС од сенка, Зоран Заев се јави во одбрана...
Заев се закани со тужба, тврди дека не е поврзан со конфискацијата на канабисот и облакодерите во Дубаи: „Шират лаги и клевети“
Поранешниот премиер Зоран Заев преку статус на Фејсбук порача дека по пет години молк, сега е подготвен да одговори со...
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here...
Во Дубаи уапсен сторителот на обидот за атентат врз рускиот генерал Алексеев, ФСБ уапси и соучесник во Москва
Сторителот на обидот за атентат врз генерал-полковникот на руската воена разузнавачка служба, Владимир Алексеев, беше приведен во Дубаи и предаден...
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
Магла ја намали видливоста до 60 метри на патниот правец Гевгелија – граничен премин Богородица
Сообраќајот на државните патишта се одвива во зимски услови, по влажни коловози соопшти Авото-Мото Сојузот на Македонија (АМСМ), Намалена видливост...
Најдоцна до јуни реконструкција на владиниот кабинет, Ковачки е нов генерален секретар на партијата, соопшти Мицкоски
Денес заседаваше Централниот комитет на ВМРО-ДПМНЕ, на кој беа донесени важни одлуки за понатамошното јакнење и модернизација на партијата, истакна...
Полицајци, наставничка и пожарникар земале пари од граѓани за да им средат побрзо да извадат лични документи
Двајца полицајци, наставничка и пожарникар се осомничени за примање поткуп и примање награда за противзаконито влијание односно за пари овозможувале граѓаните...
