Браќата близнаци, Кевин и Оливие Њокас од денеска и официјално се дел од Металург. Близнаците со Металург потпишаа двегодишен договор. Кевин и Оливие се први Французи во историјата на клубот од Автокоманда.

Браќата открија дела долго време преговарале со Металург. Оливие, за клубот, слушнал само убави зборови од својот соиграч, Кирил Лазаров.

Кевин Њокас е десен бек, кој професионалната кариера ја почна во Пари Сен Жермен за кој настапувал од 2006 до 2012 години. Потоа по две години играше во Шамбери и во Гепинген, а една сезона го носеше дресот и на Гумерсбах. Од 2018 година е дел од Бенфика од каде и доаѓа во Металург. За репрезентацијата на Франција одигра 41 натпревар и има златни медали од ЕП 2014 во Данска и СП 2015 во Катар.

Оливие Њокас е лев бек, кој исто така првиот професионален договор го потпишал со екипата на Пари Сен Жермен, за која настапувал од 2006 до 2008 години. Оливие по заминувањето од ПСЖ една сезона мина во шпанскиот Алкобендас, а потоа пет сезони беше дел од Кретеј.

Од 2014 до 2016 години го носеше дресот на Балинген, а последните пет сезони ги мина во Нант, каде настапуваше со селекторот и капитен на македонска репрезентација, Кире Лазаров.

За репрезентацијата на Франција одигра 32 натпревари и е носител на сребрен медал од ОИ 2016 во Бразил и на златен медал од СП 2017 во Франција.

Фото/rkmetalurg.mk

Натпреварот со Селта, одигран во неделата, беше последен за голманот на Барселона, Марк-Андре тер Штеген оваа сезона. Покрај тоа што ќе го пропушти дуелот во Еибар, во последното коло, Тер Штеген нема да настапи ниту на ЕУРО 2020.

Барселона, вчера, доживеа пораз од Селта (1:2), а во понеделникот Тер Штеген, објави дека мора да ја оперира тетивата во десното колено.

„Заедно со клупските доктори решив да одам на операција на тетивата. Тажен сум што ќе го пропуштан ЕУРО 2020 со Германија. По многу години повторно ќе бидам само навивач на националниот тим. Се надевам дека на крајот ние ќе славиме“, рекол Тер Штеген.

Операцијата на Тер Штеген ќе му биде извршена во Шведска под надзор на докторите на Барселона.

Германија на ЕУРО 2020 покрај Мануел Ноер на голманските позиции ќе ги има Бернд Лено и Кевин Трап.

Златко Далиќ, селекторот на фудбалската репрезентација на Хрватска, го обајви списокот со кој светските вице-шампиони ќе настапат на ЕУРО 2020. Петмина од одбраните 26 се ирачи на Динамо Загреб (Иванушец, Петковиќ, Оршиќ, Гвардиол и Ливаковиќ).

Хрватска на ЕУРО 2020 ќе биде предводена од својот најдобар играч Лука Модриќ. Покрај фудбалерот на Реал, главна сила на Хрватите ќе бида Иван Перишиќ и Марсело Брозовиќ, шампиони со Интер во Серија А, односно Матео Ковачиќ.

На резервниот список на селекторот се: Уремовиќ, Ливаја, Башиќ, Понграчиќ, Ловриќ, Ивушиќ, Мајер и Моро.

Хрвстак на ЕУРО 2020 година ќе игра во Д-групата против Англија, Чешка и Шкотска.