Спорт
Хајнер: Левандовски ќе остане Баерн
Претседателот на Баерн Минхен, Херберт Хајнер, тврди дека Роберт Левандовски ќе остане во клубот. На овој начин ги демантира медиумите дека Полјакот сигурно ќе го нашушти Минхен.
Левандовски пред неколку дена на собирот на полската репрезентација изјави дека неговата ера во Баерн е завршена. Тоа Полјакот им го повтори на новинарите за време на Формула 1 трката во Монте Карло.
„Левандовски има договор со нас до јуни 2023 година. Договор си е договор. Каде би завршиле кога фудбалерите би можеле по своја волја да ги раскинат договорите? Роберт ме изненади бидејќи излезе во јавноста со тоа. Јас не би го направил тоа на негово место“, изјави Хајнер и продолжи.
„Во одлична финансиска состојба сме. Сакаме во клубот да ги имаме најдобрите играчи во светот, а Роберт е еден од нив. Цврсто сум убеден дека ќе игра за нас следната година. Не се плашам дека нема да даде се од себе на теренот, бидејќи е професионалец“.
Германските медиуми тврдат дека Барселона испратила понуда од 32 милиони евра за полскиот напаѓач, но челниците на Баерн бараат најмалку 40 милиони евра. Проблем може да биде и платата на Левандовски во каталонскиот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.