Вулверхемптон вечерва го совлада Манчестер jунајтед на домашен терен за прв пат од 2019 година. Во 18. коло од Премиер лигата, Волвс победиja со 2:0, со головите на Матеус Куња и Хи-Чан Хванг, на кого Куња несебично асистираше во последните секунди од натпреварот.

По првото полувреме во кое немаше голови, второто започна со невнимателен фаул на Бруно Фернандеш во 47. минута. Португалецот доби жолт картон, а бидејќи имаше еден од првиот дел мораше да го напушти теренот.

Бруно Фернандешј стана првиот играч на Јунајтед кој бил исклучен најмалку три пати во иста сезона по Немања Матиќ во сезоната 2008/09. Само две минути подоцна, Јорген Странд Ларсен постигна гол за 1-0, но истиот беше поништен поради офсајд.

Волвс дојдоа до предност кога Куња успеа директно од корнер да го матира голманот на Јунајтед, Андре Онана. Тоа беше втор гол што Јунајтед го прими директно од корнер во последната недела, претходно Хеунг-Мин Сон постигна гол на ист начин во Карабао купот против Алтај Бајиндира во победата на Тотенхем од 4:3.

CUNHA SCORES DIRECTLY FROM A CORNER I AM DONE WITH THIS SQUAD

THEY ARE PATHETIC. pic.twitter.com/HBaqef2fMM

— Frank🧠🇵🇹 (fan) (@AmorimEra_) December 26, 2024

Бразилецот го постигна 10. гол во првенството, повеќе од него имаат само Мохамед Салах (15), Ерлинг Халанд (13), Кол Палмер (12) и Александер Исак (11).

Тој не застана тука, бидејќи несебично му асистираше на Хванг во деветтата минута од надополнувањето за конечни 2:0. Куња е одговорен за речиси половина од првенствените голови на неговиот тим оваа сезона, бидејќи директно учествуваше во 14 од 29-те голови.

Со оваа победа, Волвс го прескокна Лестер на 17. место на табелата во Премиер лигата и ја напушти зоната за испаѓање со втората последователна победа. Манчестер јунајтед, пак, го претрпе третиот последователен пораз во последната недела и моментално е на 14. место во англискиот шампионат.

На Боксинг деј се одиграа уште пет натпревари од 18. коло во Премиер лигата. Големо изненадување приреди Фулам кој на „Стемфорд Бриџ“ го совлада Челзи со 2:1, а победија и Њукасл, Вест Хем и Нотингем Форест.

Фулам го шокира Челси со гол во 95.минута. Триумфот 2:1 е прв за Фулам на теренот на Челзи по 1979 година.

Кол Палмер го постигна воведниот гол во 16. минута на асистенција на Ли Колвил. Сепак, тој гол не им ја даде потребната самодоверба на „сините“.

Фулам изедначи во 82. минута. Кастањ асистираше, а Хари Вилсон, го совлада роберт Санчез. И тука не беше крајот. Во петтата минута од судиското надополнување, Саша Лукиќ му асистираше на Родриго Муниз за голем пресврт и победа 2:1.

Њукасла ја продолжи својата серија, третата последователна победа во Премиер лигата ја забележаа против Астон Вила. Њукасл од 32.минута играше со играч повеќе. Црвен каротн доби Дуран.

Стрелец за Њукасл повторно беше Александар Исак. Швеѓанецот постигна гол за 2:0 во 59. минута, што е негов седми гол во последните четири натпревари. Можеше да постигне уште еден гол, но неколку минути подоцна ВАр го помишти неговиот гол. Првиот гол го постигна Арон Гордон во втората минута. Конечните 3:0 ги постави Жоенлитон во втората минута од судиското надополнување. Со оваа победа, Њукасл ја прескокна Астон Вила на табелата.

Тотенхем ја продолжи својата серија на очајни резултати на Боксинг деј. Минимален пораз претрпеа на Сити Граунт од Нотингем. Ова е четврти пораз во последните шест натпревари. Единствениот гол за „шумарите“ го постигна Еланга во 28. минута.

Минимална победа во Саутемптон забележа Вест Хем. На клупата на Саутемптон дебитираше хрватскиот тренер Иван Јуриќ. Победникот го реши Бовен во 59.минута.

На натпреварот помеѓу Бурнмаут и Кристал Палас немаше голови.

Голманот на Волфсбург, Камил Грабара (25) по лошо се сеќава на стоперот на Лас Палмас, Скот Мекена (28). Грабара и Мекена беа соиграчи во Копенхаген, Данска, во втората половина од минатата сезона. Грабара се пресели во Волфсбург летото, а Мекена во Лас Палмас. Грабара им откри на данските медиуми дека Мекена е најлошиот фудбалер со кој играл во кариерата:

„Скот Мекена е најлошиот фудбалер што некогаш сум го видел во мојот живот. Тој сега игра за Лас Палмас. Не знам како. Тој е најлошиот фудбалер со кој сум играл и едноставно немав трпение за него“, рече полскиот голман и додаде.

„Имав ситуации на тренинг кога работевме некои вежби и тој тоа го правеше три пати на свој начин. Четвртиот пат му реков да не го прави така, а петтиот пат повторно го направи истото. Не можев да го поднесам. Имаше мали и големи расправии и јас едноставно не можев да издржам, а тој не се однесуваше со мене како со пријател, а тој беше единствениот со кој не сакав да тренирам и разговарам“.

Грабара од Копенхаген се пресели во Волфсбург за 13,5 милиони евра. Мекена во Копенхаген пристигна на позајмица од Нотингем Форест, а летово по истекот на договорот се пресели во Лас Палмас. За шкотската репрезентација има 39 натпревари и еден гол.