Српскиот фудбалски интернационалец Лука Јовиќ повторно на удар на шпанска „Марка“. Го анализираа неговиот учинок сезонава и заклучија дека е најлошит напаѓач во Реал во 21. век.

„Само два гола на Јовиќ се причина за тревога. Посебно ако се земе во предвид дека клубот го плати 60 милиони евра. Тоа значи дека секој негов гол вреди 30 милиони евра. На сето тоа, двата гола против Осасуна и Леганес и тоа кога победата веќе беше обезбедена“ – пишува „Марка“.

Шпанскиот весник пишува и дека Маријано Дијаз имаше подобар учинок од него.

„Маријано добиваше минимални шанси за настап од кога стигна од Лион, но тој во сезоната 2018/2019 постигна 4 гола и одигра 5 меча помалку од Јовиќ“ пишува весникот.

Навивачите на Манчестер Јунајтед не мораат да чекаат топката да влезе во мрежата по ударот од 11 метри за да слават погодок. Доволно е Бруно Фернандеш да ја постави топката на белата точка и веќе се знае – тоа е гол.

Откако во јануари дојде кај „ѓаволите“, Португалецот има пенал скор 7 од 7, а непогрешлив беше и синоќа во 95 минута на мечот со ФЦ Копенхаген.

Додека сите го очекуваа карактеристичниот скок пред да ја шутне топката, 25-годишниот играч од средниот ред реши да ја смени тактиката. Шутираше брзо и го совлада голманот на данскиот тим.

Фернандеш во моментов е меѓу најдобрите пеналџии, против Копенхаген погоди по 18-ти пат во низа.

Од 29 пенали изведени во кариерата, само двапати бил непрецизен и тоа во 2018. година против нисколигаш во Купот на Португалија во дресот на Спортинг и пред тоа, во дресот на Удинезе на мечот со Наполи, во 2016 година.

Новата сезона во бразилското фудбалско првенство започна минатиов викенд иако во земјата и понатаму е огромен бројот на заразени со коронавирус.

По мечевите во неделата, во понеделникот биле тестирани сите играчи и резултатите покажале дека дури 151 фудбалер е позитивен на Ковид 19.

Најверојатно првенството ќе биде прекинато

Најтешка е ситуацијата во Коринтијанс каде има 23 заразени играчи. Гоиас има 22 заразени, а најмалку позитивни играчи има во Атлетико Минеиро и Барагантино, по само еден позитивен.

Клубовите каде има најголем број заболени овој викенд не го започнаа првенството, а речиси сигурно ќе го прескокнат и второто коло.

Повеќето од играчите немаат никакви симптоми.

Бразил е втора земја во светот о бројот на заразени од коронавирусот, зад САД. Во Бразил досега има над 3 милиони заразени, а како последица на опасниот вирус починаа повеќе од 100.000 луѓе.