Спорт
Итуралде: Флорентино Перез ме заклучи во соблекувалната
Поранешниот судија Едуардо Итуралде Гонзалес, сега ангажиран како стручен консултант во најугледните фудбалски емисии во Шпанија, збеснал кога го видел прилог направен и емитуван на клупската телевизија на Реал Мадрид. Телевизијата во својот прилог сака да посочи дека уште еден судија бил корумпиран, односно дека и бил наклонет на Барселона. Во прилогот се посочени сите наводни грешки на шета на Реал, направени од страна на поранешниот судија Клос Гомез, сега задолжен за ВАР системот.
„Овој прилог е морничав, непристоен. Ја ставам раката во оган за Клос Гомез. Клос Гомез е човек со интегритет, кој веројатно направил 1.000 или 5.000 грешки на натпреварите на Реал, и во корист и против Реал“, грмеше Итуралде во програмата „Карусел Депортиво“ на радио „Кадена СЕР“.
Итуралде не можејќи да се воздржи, изнервиран што сега целата вина за скандалот, поради кој е покренато обвинение против Барселона, откри интересен момент од својата кариера.
„Ова е начинот на работа на оваа телевизија (Реал). Ако веќе се новинари, нека истражат кој ме поканил во соба? Нека истражат да видат како се врши притисокот. Во победата од 6:1 против Депортиво (во сезоната 2010/2011). Го напуштам теренот со помошниците, ми приоѓа маж кој ме турка во собата и ми вели: „Само сакам да не судите како што и судите на Барселона“, рекол Итуралде.
„Тој е од Реал. Го прашувам што сака, да проверам да не се шегува, му велам дека муабетов е завршен. Сакаше да ме остави сам во собата, му реков: не! По половина час ја известив судиската комисија, бидејќи се ми изгледаше многу сериозно. Ајде тогаш нека истражат тие од Реал Мадрид пошто се веќе толку добри новинари. Ќе им ја олеснам работата: Нека почнат од самиот врв“, грмеше Итуралде пред јасно да открие.
„Тоа беше Флорентино Перез. Немам што да кријам. Се е пријавено. Тоа е притисок“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.