Спорт
Јокиќ и Дончиќ блескаа во победите на Денвер и на Далас

Никола Јокиќ имаше уште една фантастична вечер во дресот на Денвер. МВП играчот од минатата сезона повторно беше апсолутен лидер во победата на Денвер Нагетс на гости против Вашингтон со 109:127. Тимот на Мајкл Мелоун со победа постави нов рекорд на франшизата, Нагетс остварија седум гостински победи во низа.
Јокиќ за 26 минути на паркетот постигна 29 поени со 13 скока и осум асистенции, па повторно малку му недостигаше за нов „трипл-дабл“. Без разлика на тоа, овој меч ќе остане запаметен по уште една бариера која ја прескокна – ја мина границата од 10.000 поени во кариерата. Јокиќ имаше 10/14 во шутот од игра и стопроцентен ефект од линијата за слободни фрлања, 7/7.
Нешон Хајленд постигна 17 поени со шест скока и пет асистенции, Монте Морис додаде 15, а Де Маркус Казинс и Арон Гордон по 14 поени.
Во тимот на Вашингтон најдобар поединец беше Дани Авдија со 19 поени со седум скока и три асистенции.
Денвер од почеток ги постави работите на свое место, на полувреме водеа со 73:52.
Најнеизвесно беше во њујоршкиот центар Баркли. Гостинскиот тим на Далас Маверикс го совлада домаќинот Бруклин Нетс со 111:113, а натпреварот го реши шут во последната секунда. До тој момент најистакнатото име на натпреварот беше незапирливиот Лука Дончиќ со 37 поени и по девет скока и асистенции. Одличниот Словенец, на кој малку му недостасуваше трипл-дабл, ја забележа деветтата асистенција во последниот напад, кога го проигра Спенсер Динвиди, кој го изведе шутот за победа против својот поранешен тим. Динвиди претходно пет сезони го носеше дресот на Бруклин.
Богдан Богдановиќ имаше солиден настап во тимот на Атланта која загуби со 116:106 на гостувањето кај Шарлот. Тој постигна 12 поени, зачинети со четири скока и две асистенции.
Кај Шарлот Хорнетс најдобар беше Ламело Бол кој постигна 22 поени со осум скока и 11 асистенции. Харел додаде 20, а Мајлс Бриџис постигна 18 поени, исто како и Тери Розиер.
Кај Атланта најефикасен беше ДеАндре Хантер со 21 поен, Клинт Капела имаше дабл-дабл од 17 поени и 15 скока.
Резултати: Шарлот – Атланта 116: 106, Кливленд – Филаделфија 114:118, Вашингтон – Денвер 109:127, Бруклин – Далас 111:113, Њујорк – Портланд 128:98, Хјустон – Феникс 112:129, Минесота – ЛА Лејкерс 124:104, Сан Антонио – Оклахома 122:120, Јута – Чикаго 125:110, Голден Стејт – Бостон 88: 110, Сакраменто – Милвоки 126:135, ЛА Клиперс – Торонто 100:103.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.