Спорт
Јованка Радичевиќ во идеалниот тим на деценијата

Јованка Радичевиќ, поранешна ракометарка на Вардар, се најде во идеалниот тим на деценијата, во изборот на специјализираниот ракометен портал Handball-planet.com.
Покрај 34-годишната Радичевиќ, која е најдобро десно крило, во тимот на деценијата се најдоа голманката Катрин Лунде, Камила Херем, Кристина Неагу, Корнелија Грот, Нора Мерк и Хајди Локе.
Радичевиќ во кариерата пет години го носеше дресот на Вардар (2013-2018).
Во изборот учествувале реномирани тренери, ракометни легенди и новинари од целиот свет.
Тренери: Драган Аџиќ (Црна Гора), Адријан Василе (Романија), Пер Јохансон (Шведска), Хорхе Дуенас (Шпанија), Ненад Шоштариќ (Хрватска), Хеле Томсен (Данска), Тор Одвар Моен (Норвешка).
Легенди: Тања Медвед (Србија), Даниела Пиедаде (Бразил), Кристина Варзару (Романија), Рафаеле Тревел (Франција), Каролине Бреиванг (Норвешка), Ања Алтхаус (Германија), Људмила Бодниева (Русија).
Новинари: Лаура Агена (Аргентина), Иболија Шекереш (Унгарија), Зорица Радојковиќ (Србија), Хорхе Даргел (Шпанија), Стиг Нигард (Норвешка), Сергеј Приголовкин (Русија), Бјорн Пазен (Германија).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин