Фудбалерите на Јувентус доживеа шокантна елиминација од Емполи во четвртфиналето во Купот на Италија, На домашен терен Јувентус во 90 минути одигра 1:1, а потоа ја загуби пенал серијата со 2:4.

Емполи дојде во Торино по поразот од Аталанта (5:0) во лигата и никој не очекуваше дека ќе му пружи сериозен отпор на фаворизираниот ривал.

Емполи поведе во 24. минута преку Малех, Тирам израмни во 66. минута.

Тиаго Мота ги фрли сите карти во нападот, Влаховиќ и Коло Муани играа заедно од стартот, а тука беа и Јилдиз, Консеисао, Мекени…но тоа не му го донесе посакуваниот резултат.

Трагичари во пенал серијата беа Влаховиќ, чии удар во првата серија завршши над голот и Јилдиз, неговиот удар го одбрани голманот Васкез. За Јувентус прецизни беа Коло Муани и Локатели.

За Емполи сите прогодија: Хендерсон, Куаме, Какаче и Маријанучи.

Емполи во полуфиналето ќе игра против Болоња, втората полуфинална двојка е Интер-Милан.

Фудбалерите на Нотингем Форест ремизираа со Арсенал на „Сити Граунд“, 0:0 во 27. коло од Премиер лигата. Мначестер сити победи кај Тотенхем (1:0), Манчестер јунајтед со фудбалер помалку го победи Ипсвич (3:2), а Брентфорд и Евертон ремизираа (1.1).

Арсенал имаше иницијатива, но не успеа да создаде сериозни шанси. Најдобрата „тобџиите“ ја имаа во 23.минута кога калафиори ја погоди стативата.

Во следната рунда Нотингем Форест треба да се соочи со Манчестер сити на гости, додека Арсенал ќе биде домаќин на Манчестер Јунајтед.

Манчестер јунајтед ги преживеа глупостите на зимското засилување од Лече, Патрик Доргу и го совлада Ипсвич.

Екипата на Ипсвич поведе по големата грешка на Доргу, стрелец беше Џејден Филогијан. Сепак, избраниците на Рубен Аморим релативно брзо го свртеа резултатот, во период од само четири минути. Најпрво автогол си постигна капитенот на гостите Сем Морси, а потоа дефанзивецот на Јунајтед, Матијс де Лигт ја испрати топката во мрежата на Ипсвич за 2:1.

Сепак, во 43. минута Доргу доби црвен картон поради прекршокот над Омари Хачинсон.

Гостите брзо ја искористија предноста и го израмнија резултатот пред паузата со уште еден гол на Филогијан.,на асистенција на поранешниот играч на „црвените ѓаволи“ Аксел Туанзебе.

Сепак, и со играч помалку Јунајтед е подобар од Ипсвич, а тоа го потврди и голот на Хари Мегваер на самиот старт од вториот дел.

Ерлинг Халанд се врати во тимот на Манчестер сити по повредата на коленото, поради која не играше против Реал Мадрид (1:3) и Ливерпул (0:2).

Му беа потребни само 12 минути за да постигне гол.

Американскиот кошаркар Сејбен Ли се врати во Евролигата, во последните часови од преодниот рок кој заврши во 18 часот потпиша за Олимпијакос. Грчкиот тим, реагираше на пазарот поради повредите на Томас Вокап и Лука Вилдоза.

Тимот од Пиреја го купи американскиот плејмејкер од турска Маниса за 550.000 евра. Ли потпиша две и пол годишен договор со Олимпијакос.

Ли на почетокот на сезоната настапуваше за Маниса, потоа накратко го облече дресот на Макаби, но реши да се врати во Турција.

Сепак, тој уште еднаш го привлече вниманието на евролигашите со своите добри игри. Претходно беше заинтересирана и Барселона, но Олимпијакос беше поконкретен.

Ли одигра осум натпревари за време на неговиот престој со Макаби, со просек од 12 поени, два скока и речиси три асистенции по натпревар.

Во Маниса, во турскиот шампионат, имаше просек од 18,7 поени, 3,8 скока и шест асистенции по натпревар.