Спорт
Јута не запира, Кари го торпедира Кливленд, Бруклин без Дурент победи во Сакраменто

Јута Џез славеше над Филаделфија 134:123 во дуелот на водечките тимови во Источната и Западната конференција во НБА-лигата. Јута е во серија од осум победи, најдобриот тим во лигата има 19 поебеди на последните 20 натпревари.
Дуелот на водечките екипи во своите конференции го обележаа Бен Симонс и Џордан Кларксон.
Џордан Кларксон ја предводеше Јута со 40 поени. Тој сериозно ја истакнува кандидатурата за најдобра шестти играч во лигата. Во отсуство на Џоел Ембид, Филалдлефија ја предводеше Бен Симонс со 42 поена, шест поени помалку постигна Тобајас Херис.
Без Кевин Дурент, Бруклин Нетс во Калифорнија го победи Сакраменто Кингс со 136:125. Кајри Ирвинг постигна 40 поени, а Џејмс Харден забележа трипл-дабл од 29 поени, 13 скока и 14 асистенции.
На спротивната страна доминира Хасан Вајтсајд со 26 поени, 16 скока и пет блокади.
Голден стејт Вориорс го декласира Кливленд Кавалирс со 129:98. Блескаше Стеф Кари со 36 поени и шест асистенции. Кари постигна седум тројки од 11 обиди. Покрај Кари, се истакна и Дрејмонд Грин со 16 асистенции и по осум поени и скокови.
Резултати:
Индијана-Чикаго 112:120
Вашингтон-Хјустон 131:119
Њујорк-Атланта 123:112
ЛА Клиперс-Мајами 125:118
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лилард изминатите 18 месеци го видел пеколот

Кошаркарот на Портланд Треилблејзерс, Демијан Лилард помина низ голема трагедија во последниот период затоа што остана без шест членови на семејството.
Во отворен разговор за „Atletik“ Лилард зборуваше за емотивниот губиток во изминатите 18 месеци.
Починала тетка му од рак, братму Брендон починал минатиот мај, а Демијан бил тој кој го пронашол. Останал без уште еден близок роднина во јануари. Двајца негови роднини се убиени, а уште еден починал минатата недела.
„Беше ова тешка година ипол за моето семејство. Луѓето не знаат за тоа. Стоев покрај мртвите тела на роднините. Луѓето не знаат каква траума е тоа. Се уште не можам да излезам на крај, се борам, но навистина е тешко. Кога го имате во предвид сето она низ што семејството поминува, се обидувате да си ставите во главата дека кошарката е најважната работа во тие моменти“ истакна Лилард.
Кошаркарот рече и дека се чувствува како да има 45 години со оглед на фактот што се видел во животот, а себе си не се смета за емотивна личност.
Светлото на крајот на тунелот се неговите деца. Во јануари добил близнаци, син и ќерка. Тие му се придружиле на две ипол годишниот Демијан Јуниор.
„Две нови личности дојдоа, а неколку си отидоа…“ рече кошаркарот.
Спорт
Челси подготвува монструозна понуда за „единицата“ на Милан

Голем дел од европските фудбалски гиганти веќе започнаа со плановите за летни засилувања, па и лондонски Челси тргна во таа насока. „Сините“ се во потрага по нов голман.
Кепа Аризабалага беше прешкртан уште додека менаџер на тимот беше Френк Лампард. Го замени Едуард Менди кој дојде од француски Рен, но новиот стратег на „сините“ сака уште поголемо име меѓу стативите.
Управата на клубот се сложила со ставот на Германецот и одобрила доведување на младиот голман на Милан, Џанлуиџи Донарума.
Сите влијателни италијански медиуми денеска пишуваат за „монструозниот договор“ кој Челси го подготвил за првата „единица“ на „Росонерите“.
Милан прави се Донарума и во иднина да остане на „Сан Сиро“ за налето да не го загубат како слободен играч.
Информациите се дека Челси подготвува договор со 10.5 милиони фунти годишна плата за Италијанецот.
Во приказната за Донарума е вклучен и ПСЖ кој секако може да понуди голема сума за да го привлече на „Паркот на принцовите“.
Спорт
(Видео) Гори Белград – Црвена Звезда слави роденден!

Навивачите веќе подолго време не се на трибините, но приврзаниците на белградска Црвена Звезда редовно им покажуваат на фудбалерите дека се тука, со нив.
Популарните „Делии“ по повод 76-тиот роденден на клубот низ цел Белград поставија димни бомби со бојата на клубот.
Црвена Звезда својот 76-ти роденден го дочека како шампион на Србија во фудбал и во кошарка, но и европски тим во двата споменати спорта.
Еве како изгледаше тоа:
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер