Спорт
Јувентус или Тотенхем, на потег е Влаховиќ

Душан Влаховиќ ја напушта Фиорентина, не е познато само дали тоа ќе биде во јануари или по завршувањето на сезоната. Во меѓувреме, Србинот немилосрдно ги тресе противничките мрежи.
Хет-трикот против Специја му донесе место во историјата на италијанскиот фудбал. Влаховиќ е фудбалерот со најмногу постигнати голови во една календарска година, откако за победа се доделуваат три бода.
Од почетокот на годината тој има постигнато 25 гола, зад себе ги остави Лука Тони (24) и Габриел Батистута (23).
Фиорентина мора да го продаде напаѓачот, бидејќи тој одби да го продолжи договорот. „Виолетовите“ му понудија 40 милиони евра бруто плата за пет години. Тоа е значително зголемување, Влаховиќ според актуелниот договор годишно заработува 800.000 евра.
Одбивањето да го продолжи договорот го ставија Влаховиќ на „црната листа“ кај претседателот Роко Комисо и навивачите на Фиорентина.
Тој сака да оди во поголем клуб и сака за пет години нето плата од 40 милиони евра.
Наводно, Јувентус, биле подготвени да ги исполнат неговите барања и да го реализираат трансферот во зимскиот преоден рок.
Во трката се вклучил и Тотенхем. „Газета дело Спорт“тврди дека минатата недела претставници на Тотенхем биле во Фиренца каде ги започнале преговорите. Според овој извор понудата на Тотенхем изнесува помеѓу 60 и 70 милиони евра.
Можно е адут во рацете на Тотенхем, во битката со Јувентус, да биде Антонио Конте, кој наскоро би требало да биде промовиран во нов менаџер на клубот од Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кошаркарите на Уникаха ја освоија Лигата на шампионите со победа на Галатасарај

Кошаркарите на Уникаха во финалето на ФИБА Лигата на шампиони ја победија турската Галатасарај со резултат 83:67 и стана шампион на ова натпреварување. Со оваа победа тие го одбранија трофејот ФИБА ЛШ кој го освоија минатата година победувајќи го Тенерифе во големото финале во белградската Арена. Сега Уникаха “му прочита лекција” на истанбулскиот Галатасарај во “Синан Ердем Домот” во нивниот град.
Тајсон Картер имаше 14 поени со 3 скока и 5 асистенции, Кендрик Пери додаде 13 со 4 скока и 3 асистенции, а 13 и 11 скокови имаше Тајсон Перес, додека Тајлер Калиноски имаше 11 поени и исто така беше двоцифрен.
На другата страна, имаше 14 поени на Тајрон Валас, а толку имаше и Вил Каминџ, додека 12 запиша Робертс Блумберг, а Џејмс Палмер 11 со по 4 скока и асистенции.
Спорт
Македонската ракометна репрезентација оди на Европско, вечерва ја победи Литванија

Ракометната репрезентација на Македонија вечерва ја победи Литванија во Спортскиот центар „Јане Сандански“ и обезбеди пласман на 17. Европско првенство кое ќе се одржи следната година во Скандинавија.
Македонија ја победи Литванија со 26:17. Литванците поведоа на почетокот на натпреварот со 0:4, но во вториот дел Македонија доминираше и победи со девет гола разлика.
Европското првенство ќе се одржи во јануари следната година во Норвешка, Данска и Шведска. Жрепката за групната на Европското првеснтво ќе биде в четврток.
Спорт
Барса го нокаутира Реал, публиката виде спектакуларни седум гола на натпреварот

Фудбалерите на Барселона го победија Реал Мадрид четврти пат во тековната сезона. На натпреварот паднаа спектакуларни седум гола, а резултатот е 4:3.
Со оваа победа Ханси Флик се доближи со нова шампинска титула односно “триплет” по веќе освоените Суперкуп на Шпанија и Куп на кралот.
Во секој од натпреварите Барселона го победи Реал, а вкупно оваа сезона ги доби сите четири пресметки против “кралскиот клуб”.
Публиката го оцени тукушто завршениот натпревар како еден од најдобрите меѓу ривалите.
Почетокот најавуваше целосно спротивен исход, откако Реал по 14 минути водеше со високи 2:0, со два гола на Килијан Мбапе.
Во 3. минута беше досуден пенал над Французинот, кој сам го реализираше за водство на гостите. Веќе во 14. минута нов шок за Барса и целосна тишина на стадионот, кога Мбапе избега зад грбот на високо поставената одбрана на ривалот и лесно го совлада Шчењи.
Веќе во 19. минута Ерик Гарсија после корнерот од левата страна го намали водството на 1:2. Се чекаше изеднадување до 32. минута кога Ламин Јамал за три минути донесе пресврт со два маестрални гола. Посебно извонредна беше мајсторијата на Јамал, во негов стил, но и онаа на Рафња кој од својата позиција после пресингот доведе до 3:2.
Истиот играч во 45. минута изврши притисок на Лукас Васкес, му ја зњсњ топката, одигра дупли пас со Феран Торе, и ефектно ја смести топката во мрежата за 4:2. Нокаутот на Реал, не го спаси ни Мбапе кој во второто полувреме, во 70. минута ја намали разликата на 4:3.
Имаше поништени голови на двете страни, но и промашени зицери, пред сè на Реал во 89. и 90. минута.