Спорт
Јувентус или Тотенхем, на потег е Влаховиќ
Душан Влаховиќ ја напушта Фиорентина, не е познато само дали тоа ќе биде во јануари или по завршувањето на сезоната. Во меѓувреме, Србинот немилосрдно ги тресе противничките мрежи.
Хет-трикот против Специја му донесе место во историјата на италијанскиот фудбал. Влаховиќ е фудбалерот со најмногу постигнати голови во една календарска година, откако за победа се доделуваат три бода.
Од почетокот на годината тој има постигнато 25 гола, зад себе ги остави Лука Тони (24) и Габриел Батистута (23).
Фиорентина мора да го продаде напаѓачот, бидејќи тој одби да го продолжи договорот. „Виолетовите“ му понудија 40 милиони евра бруто плата за пет години. Тоа е значително зголемување, Влаховиќ според актуелниот договор годишно заработува 800.000 евра.
Одбивањето да го продолжи договорот го ставија Влаховиќ на „црната листа“ кај претседателот Роко Комисо и навивачите на Фиорентина.
Тој сака да оди во поголем клуб и сака за пет години нето плата од 40 милиони евра.
Наводно, Јувентус, биле подготвени да ги исполнат неговите барања и да го реализираат трансферот во зимскиот преоден рок.
Во трката се вклучил и Тотенхем. „Газета дело Спорт“тврди дека минатата недела претставници на Тотенхем биле во Фиренца каде ги започнале преговорите. Според овој извор понудата на Тотенхем изнесува помеѓу 60 и 70 милиони евра.
Можно е адут во рацете на Тотенхем, во битката со Јувентус, да биде Антонио Конте, кој наскоро би требало да биде промовиран во нов менаџер на клубот од Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Анчелоти: Немаме лесна група, ќе биде тешко
На Светското првенство во 2026 година, Бразил доби група по мерак. Во првата фаза петкратните светски шампиони ќе играат против Мароко, Шкотска и Хаити.
Бразил ќе го игра првиот натпревар на 13 јуни 2026 година против Мароко, по што ќе следат средби со Хаити на 19 јуни и Шкотска на 24 јуни.
„Мароко беше многу добар на последното Светско првенство во 2022 година во Катар, стигнаа до полуфиналето, додека Бразил беше елиминиран во четвртфиналето. Шкотска има многу силен тим, ќе биде многу тешко“, рече селекторот на Бразил, Карло Анчелоти.
„Мора да се обидеме да завршиме први во групата. Пред сè, мора добро да се подготвиме за првиот натпревар, кој ќе биде многу важен. Мора да размислуваме за победа на сите три натпревари. Прво против Мароко, што ќе биде најтешко, но и против другите два противници. Мора да имаме самодоверба“, додаде тој.
Бразил ќе одигра два пријателски натпревари во САД во март, против Франција и против Хрватска.
Foto/ EPA
Спорт
(Видео) Фудбалер исклучен бидејќи долната облека му била во погрешна боја
Што се случи во Индија? Имаме кандидат за најбизарниот црвен картон на сите времиња.
Играчите на Гоа и Мумбаи се подготвуваа да излезат од тунелот пред полуфиналниот натпревар од Индискиот Суперкуп.
Во тој момент капитенот на Гоа, Икер Гуарочкена, беше почестен со црвен картон, токму таму во тунелот. Носел погрешна боја на долна облека.
Судијата го предупредил да ја пресоблече долната облека, капитенот на Гоа влезе во вербална расправија и доби црвен картон.
Патрик Мондал, судијата, потоа рече дека сите „видоа што направи“, иако на никого не му беше јасно што всушност направи капитенот на Гоа, освен што носеше сини боксерки под белите шорцеви.
Гоа сепак играше со 11 играчи. Сспоред правилата, играч кој ќе добие црвен картон пред почетокот на натпреварот може да биде заменет од тренерот.
Гоа со победата 2:1 го освои Суперкупот на Индија.
In India, FC Goa captain Guarrotxena received a red card before the kickoff of the Super Cup semifinal for wearing underwear of the wrong color. pic.twitter.com/w5740lbIQn
— Total Football (@TotalFootbol) December 5, 2025
Спорт
Дурент, осми во историјата со најмалку 31.000 поени во кариерата
Кевин Дурент и Амин Томпсон со по 28 поени го предводеа Хјустон до убедливата победа над Феникс (117:98) во НБА лигата.
Против својот поранешен тим, Дурент влезе во историјата на НБА лигата. Четири поени шшто ги постигна во првата четвртина му беа довлни да ја надмине бројката од 31.000 во кариерата.
Седум играчи на вечната листа се пред Дурент: Леброн Џејмс, Крим Абдул-Џабар, Карл Малоун, Коби Брајант, Мајкл Џордан, Дирк Новицки и Вилт Чемберлен.
Доколку 15-кратниот НБА Ол-стар играч остане здрав, веројатно е дека ќе ги престигне Чемберлен (31.419 поени) и Новицки (31.560), а можеби дури и Џордан (32.292) оваа сезона.
Foto/ EPA

