Фудбалската репрезентација на Холандија ја победи селекцијата на Украина со 3-2 во рамки на првото коло од групата Ц во која се и Македонија и Австрија.

По анемичните први 45 минути на „Јохан Кројф Арена“ во Амстердам, во вториот дел ревија на голови.

Уште на стартот на второто полувреме, во 52 минута Вајналдум донесе предност за „лалињата“. Само седум минути подоцна, Вут Вегхорст ја зголеми предноста на 2-0.

Украина во продолженија заигра поагилно, па најпрво преку капитенот Андриј Јармоленко, со неговиот одличен гол во 75. Минута намали на 1-2. По нецели 4 минути, резултатот беше израмнет 2-2. Стрелец Јеремчук по една нафрлена топка на Малиновски.

Кога избраниците на Андреј Шевченко помислија дека блиску се до бод кај фаворитот во групата, Холандија се погрижи сите 3 да останат во Амстердам.

Думфрис со глава го матираше голамнот Бушчан за конечни 3-2.

Украина е следен противник на Македонија, а мечот се игра в четврток во Букурешт.

Иако македонската фудбалска репрезентација попладнево загуби со 3-1 од Австрија во дебито на европските првенства, капитенот на „рисовите“ Горан Пандев го постигна единствениот гол за Македонија.

Со тоа Пандев, кој одигра цел меч против Австријците, стана вториот највозрасен фудбалер кој успеал да постигне гол на едно ЕП.

Струмичанецот денеска стрелаше на 37 години и 321 ден, додека поуспешен од него е само Австриецот со хрватско потекло, Ивица Вастиќ кој во 2008 година даде гол на меот против Полска со 38 гоини и 257 дена.

37 – Aged 37 years and 321 days, North Macedonia's Goran Pandev is the second-oldest player ever to score at the EUROs, after Austria's Ivica Vastic (38 years 257 days) vs Poland in 2008. Golden. #EURO2020 pic.twitter.com/OsuGlza92X

— OptaJoe (@OptaJoe) June 13, 2021

🇲🇰 June 2001: 17-year-old Goran Pandev makes his international debut 😎

🇲🇰 June 2021: 37-year-old Goran Pandev scores on his EURO debut as North Macedonia make their first ever appearance at a major finals 😱#EURO2020 pic.twitter.com/eoY9ei3hnQ

— UEFA EURO 2020 (@EURO2020) June 13, 2021

Брзоногиот репрезентативец, Езѓан Алиоски разочаран по поразот од Австријците вели дека не се доволни 70 добри минути за да се стигне до поволен резултат на едно Европско првенство. Тој смета дека мора да се биде на високо ниво во сите 90 минути.

„Знаевме дека Австрија е добра репрезентација, со квалитетни индивидуалци и се силни на физички план. Направивме две грешки по кои што бевме казнети со два гола. Супер игравме, но примивме два гола во финишот што го расипаа впечатокот. Штета што поради поразот многумина ќе мислат дека не сме подготвени, но ние 70 минути игравме многу добар фудбал. Мораме да играме 90 минути за да стигнеме до добар резултат. Одиме напред. Немаме време, сега треба што поскоро да имаме рекуперација и да се свртиме кон Украина. Имаме нула бодови, но и уште две средби, ништо не е загубено“ – вели Алиоски.

Македонија во второто коло од групата Ц ќе игра против Украина в четврток од 15 часот на Националната арена во Букурешт.
Фото: ФФМ