Австрискиот фудбалски репрезентативец Марко Арнаутовиќ е пред вратите на калчолигашот Болоња.

Искусниот фудбалер, кој доби суспензија од еден меч на ЕУРО 2020 поради навредите упатени кон македонскиот репрезентативец Езѓан Алиоски на мечот Македонија – Австрија (1-3), според информациите на италијанските медиуми, ќе го засили нападот на екипата која ја предводи Србинот, Синиша Михајловиќ.

Арнаутовиќ, кој има српско потекло, од 2019 година го носи дресот на Шангај, а според наводите, Болоња му понудила тригодишен договор за годишна плата од 2,7 милиони евра.

Арнаутовиќ во сезоната 2009/2010 му беше соиграч на македонскиот фудбалски репрезентативец Горан Пандев во редовите на милански Интер (беше на позајмица од Твенте), каде сезоната ја освои тројната круна со „Нероазурите“.

Во кариерата уште има настапувано и за Вердер, Стоук и Вест Хем.

Големо признание за левиот бек на македонската фудбалска репрезентација, Езѓан Алиоски по завршувањето на групната фаза на ЕУРО2020.

Иако Македонија која настапуваше во групата Ц на шампионатот доживеа три порази во исто толку меча, играчот на Лидс Јунајтед заслужил место во идеалната постава на ЕП во изборот на „Би-Би-Си Спорт“.

Освен Алиоски, во Топ 11 поставата има место и за дефанзивците Спинацола (Италија) и Кјаер (Данска).

Голманот на Данска, Каспер Шмајхел е меѓу одбраните.

Во средниот ред во овој избор има место за Клих (Полска), Де Брујне (Белгија), Вајналдум (Холандија) и Локатели (Италија).

Нападот е предводен од Имобиле (Италија), Лукаку (Белгија) и Исак (Шведска).

„Би-Би-Си Спорт“ изборот го направил откако ги прашале читателите кој играч со која оценка би го оцениле.

Алиоски има оценка 8,19, единствен подобро оценет од него е Белгиецот Кевин Де Брујне (8,36).

The #Euro2020 team of the group stage, as judged by you!

Should there be any changes? 🤔

Story ➡️ https://t.co/CxAPNHmXab#bbceuro2020 pic.twitter.com/zjdNmR3KGX

— Match of the Day (@BBCMOTD) June 24, 2021

Денеска е првиот слободен ден на европското фудбалско првенство, вистински момент да биде објавен идеалниот состав по групната фаза на ЕУРО 2020.

Најдоминантна е селекцијата на Холандија, која беше во групата Ц заедно со Македонија, Австрија и Украина. Дури тројца од составот на „лалињата“ се најдоа во идеалниот тим. Топ 11-ката ја сочинуваат и двајца Белгијци, додека останатите шестмина се од различни селекции.

Ова се најдобрите 11 во групната фаза на ЕП:

Храдецки (Финска), Шо (Англија), Алаба (Австрија), Де Лихт (Холандија), Муние (Белгија), Локатели (Италија), Де Брујне (Белгија), Вајналдум (Холандија), Депај (Холандија), Шик (Чешка) и Роналдо (Португалија).

Прв стрелец досега на шампионатот е Кристијано Роналдо со 5 гола, додека на втората позиција се дури пет фудбалери со по 3 погодоци (Форсберг, Левандовски, Лукаку, Шик и Вајналдум).