Томас Милер со својот втор гол вечерва го носи својот Баерн на високи 4-1 против Барселона на „Луж“.
Канонадата со голови продолжува, играчите на Каталонскиот клуб не знаат што им се случува, а Баварците уште „додаваат гас“,

По четвртиот гол на Баерн, се чини Барса ги консолидираше редовите, ја спушти топката и настојува до паузата да не прими уште некој гол.

Останува да видиме какви потези ќе повлече тренерот Сетиен на полувремето.

Германскиот фудбалски интернационалец Томас Милер во 4 минута, на почетокот на четвртфиналниот дуел меѓу Барселона и Баерн во ЛШ го носи својот тим во предност.

1-0 за Баварците по една акција која почна од Габри, па преку Левандовски и топката стигна до Милер кој прецизно биеше во мрежета на Тер Штеген.

На потег е Меси и дружината.

Само 3 минути подоцна, Барса израмнува на 1-1. Давид Алаба реагираше неспретно пред својот гол и ја затресе мрежата на Ноер откако Алба се обиде да нафрли до Суарез.

Во 11 минута Меси шутираше силно кон голот на Баерн, но ја погоди само стативата.

Втор случај на заразен со коронавирусот во редовите на Барселона и тоа обелоденет непосредно пред почетокот на четвртфиналето против Баерн Минхен.

Стоперот Самуел Умтити има коронавирус, објавија од клубот. Тој е вториот играч, по Жан-Клер Тодибо за кој пред неколку дена беше објавено дека е во изолација откако бил позитивен на тестот.

Сепак, нема ризик за останатите фудбалери на Барса кои се во Лисабон, а Умтити не отпатува со нив затоа што е повреден. Освен тоа, сите останати фудбалери на каталонскиот клуб вчера, пред доаѓањето во Лисабон беа тестирани и сите имаа негативни тестови.

И Умтити како клупскиот колега е асимптоматичен, добро се чувствува, во домашна изолација е, во постојана комуникација со лекарите.

Умтити е светски шампион со Франција од 2018 година, а во Барса е од 2016, дојде од редовите на Лион за 25 милиони евра.

За клубот од „Ноу Камп“ одигра 116 меча.