Спорт
Клоп го надмудри Мурињо, Ливерпул со прв триумф во 2021.
Фудбалскиот шампион во Премиерлигата, екипата на Ливерпул славеше триумф со 3-1 во Лондон кај Тотенхем и конечно им се врати на победите по пауза од 5 натпревари.
„Црвените“ беа шокирани по само 3 минути игра кога Сон погоди за 1-0. Сепак по ВАР асистенција голот беше понштен поради милиметарски офсајд. Затоа гостите се радуваа на водство и тоа буквално во последните моменти од првиот дел. Фирмињо постигна гол за тимот на Клоп и тоа по пауза од околу 500 минути, за водство од 1-0.
Само што започна второто полувреме Александер-Арнолд одлично стрелаше за 2-0.
Само неколку минути подоцна, Хојбјерг намали на 1-2 и го врати домашниот тим во игра.
Во 56 минута повторно поништен гол, овојпат на Ливерпул. Салах постигна убав гол во 56. минута, но судијата го поништи затоа што Фирмињо играл со рака на почетокот на акцијата.
Сепак голот на Садио Мане во 65. Минута беше чист, за гостински триумф од 3-1.
Освен поразот, дополнителен проблем за Мурињо е повредата на капитенот на Спарси, Хари Кејн на почетокот на второто полувреме.
Ливерпул сега се искачи на четвртото место на табелата 37 бода, со четири помалку од лидерот Манчестер Сити. Тотенхем е на 6. позиција со 33 бода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.
Спорт
(Видео) Барди погоди од слободен удар
Енис Барди постигна гол за Трабзон, но неговиот клуб доживеа пораз од Самсин 3:1.
Капитенот на македонската репрезентација, во 32.минута погоди од слободен удар, ја намали предноста на 2:1, но само четири минути подцна Фернандес со авто-гол го постави конечниот резултат.
На три кола до крајот на сезоната, Трабзон се наоѓа на третото место со 58 бода, четири повеќе од Бешикташ. Доколку остане на третото место, Трабзон наредната сезона ќе се натпреварува во Лига Европа.
👌🏻👌🏻👌🏻 Trabzonspor 🔥Enis Bardhi pic.twitter.com/hnuPvPkxks
— 61post (@61post) May 4, 2024
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.