Спорт
Клоп и Солскјер избираат: Роналдо или Салах?

Пред големото англиско дерби помеѓу Манчестер јунајтед и Ливерпул на „Олд Трафорд“, менаџерите на двата клуба не сакаа да избираат меѓу Кристијано Роналдо и Мохамед Салах иако, нормално, секој си го поддржа својот играч.
Клоп вели дека не може да се споредуваат кариерите на двајцата играчи, но оценува дека Салах е подобар во ударите со левата нога, Роналдо е посилен во воздухот, а Солскјер изјави дека секогаш ќе го поддржува „својот човек“.
„Зошто да ги споредуваме, двајцата се играчи од светска класа. Би кажал дека левата нога на Мо е подобра, а Кристијано е подобар во воздушните дуели и можеби со десната нога. Брзината? Двајцата се брзи и очајни по голови, но нема да ги споредувам, извинете“, изјави Клоп.
Салах има 12 гола во 11 меча за Ливерпул оваа сезона, од кои два неверојатни соло гола, кои предизвикаа самиот Клоп да изјави дека нема подобар играч на денешницата од него. Роналдо, пак, има 6 гола во Манчестер јунајтед оваа сезона вклучувајќи два драматични гола за победа во ЛШ против Вилјареал и Аталанта.
„Секогаш би го поддржувал Кристијано во секое натпреварување. Тој е уникатен и има неверојатен број голови. Секако, Салах е во добра форма во моментот и кога ќе ги видите головите што ги постигна во последно време, знаете дека мора да го чувате добро. Такви играчи не се наоѓаат лесно и мора да уживаме да ги гледаме оддалеку, и ако не во недела, тогаш ќе се блиску. Нападот на Ливерпул е за почитување со Мане и Фирмино, а тука е и Жота“, вели Солскјер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Инаку ФИБА ја објави и втората најдобра петорка на шампионатот. Во неа се турскиот капитен Џеди Осман, финската ѕвезда Лаури Марканен, полскиот играч Џордан Лојд, Дени Авдија од Израел и Србинот Никола Јокиќ.
Foto/ EPA