Спорт
Кој е Тод Боили, новиот газда на Челси?
Заврши ерата на Роман Абрамович, во која Челзи за 19 години освои 19 големи трофеи. Тод Боили е новиот сопственик на клубот од Стемфорд Бриџ.
Кој е Тод Боили, новиот сопственик на Челзи? Освен што тој е сопственик на бејзбол франшизата Лос Анџелес Доџерс?
Американски бизнисмен, инвеститор и филантроп. Така вели Тод Боили за себе. Боили е ко-основач, извршен директор и член на одборот на холдинг компанијата „Eldridge Industries“, а од октомври 2021 година тој е и вршител на должноста извршен директор на Холивудската асоцијација за странски новинари.
Потомок на германски имигранти во Америка, тој во светот на бизнисот е од 2015 година, кога учествуваше во основањето на компанијата 2Eldridge Industries“, има акции во бројни медиумски компании како „Холивуд Репортерс“, „Ролинг Стоун“, “Верати“ (меѓу другите) и „Дик Кларк продукција“. Сопственик е на осигурителна компанија и ко-сопственик на бројни компании од различни области на бизнисот, спортот, технологијата, прехранбената индустрија.
Што се однесува до спортот, тој има 20 отсто сопственички удел во Лос Анџелес Доџерс, а делумно е сопственик и на Лос Анџелес Спаркс, женски кошаркарски тим кој се натпреварува во ВНБА.
Со Марк Волтер, тој презеде 27% од акциите на Лос Анџелес Лејкерс во јули 2021 година. Лејкерси од февруари минатата година се проценети како трет највреден НБА тим со вредност од 5,14 милијарди долари.
Од 2017 до 2021 година, тој секоја година беше на листата на 500 највлијателни луѓе во светот во „ЛА Бизнис џурнал“.
Тој и неговата сопруга Кејти Боили активно учествуваат во бројни хуманитарни акции. Брачната двојка Боили има основано неколку организации кои им помагаат на младите и жените во бизнисот и образованието. Тој е особено горд на својата работа во организации кои се занимаваат со изнаоѓање лек за епилепсија и рак на простата.
Парите очигледно нема да бидат проблем кога Челзи и официјално ќе стане негов и на неговите партнери. Прашање е само какви интереси ќе има во самиот клуб и воопшто во англискиот фудбал. Видовме во неколку примери како може да влијае американска сопственост на клубовите во Премиер лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.